Жангылыкъла

Россельхозбанкны Къабарты-Малкъарда бёлюмюню розница кредит портфелини ёлчеми эки миллиард сомдан артыкъ болгъанды. Андан 433 миллион сому быйыл берилгенди. Ол санда 110 миллион – ипотекагъа, деп билдиргендиле финанс учреждениядан.

«Черкес FM» радиостанцияны ачылыуу уллу концерт бла бардырылгъанды. Жангы радиону битеу дунияда тынгыларгъа боллукъду.  Проектни продюсери Тимур Хацаевни айтханына кёре, бу сейирлик медиа платформады, аны мураты – дунияда болгъан адыгланы халкъны маданиятына, макъамларына эм халкъ чыгъармачылыгъына сюймеклик къозгъаргъады.

    Къашхатауда Уллу Ата журт урушну кезиуюнде бу эл ючюн  душман бла къазауатха кирген  37-чи аскерни 2-чи стрелковый гвардиячы дивизиясыны 350 аскерчиси асыралгъанды. Ол жерге жолну ханс басмайды, ары адамла ёлгенлеге баш урургъа, гюлле салыргъа терк-терк келедиле. Ма бу кюнледе да алайны кёпле жокълагъандыла, аланы араларында  районну эмда элни  администрацияларыны келечилери,  учреждениялада бла организациялада ишлегенле, право низамны  сакълаучу органлада къуллукъ этгенле, эллиле да бар эдиле.

Нальчик шахар округда тротуарланы жангыртыу эмда тапландырыу ишле андан ары бардырыладыла. Мэриядан билдиргенлерича, бу кюнледе Ленин атлы проспектни Тлостанова орам эм КъМКъАУ бла чекленнген кесегинде мадар этиле турады. Жол къурулушчула аны чачып, мурдорун тынгылы кючлендириу эмда бордюрланы алышындырыу бла кюрешедиле. Ызы бла жангы асфальт саллыкъдыла. Алайда хар нени да бу кюнледе битдирирге умут этиледи.

Къабарты-Малкъарны  Электрокюч бла ышаннгылы жалчытыу жаны бла штабы  отлукъ-энергетика комплексни  предприятиялары къышха къалай хазырланнганларын  сюзгенди, деп билдиргендиле КъМР-ни Промышленность, энергетика эмда сатыу-алыу министерствосундан.

Черек районну 500  аслам окъуучусу профилактика жумушлагъа къатышхандыла.

«Россети Шимал Кавказ» компанияны Къабарты-Малкъарда бёлюмюнде – «Каббалкэнергода» баланс комиссияны кенгеши бардырылгъанды бу кюнледе. Анда адамладан ток ючюн тёлеулени жыйыуда болумну юсюнден сёлешгендиле, кёрюмдюлени игилендирир амалланы да белгилегендиле, деп билдиргендиле бёлюмню пресс-службасындан.

Къабарты-Малкъарны Жамауат  палатасыны АПК-ны эмда эл тийрелени айнытыу комиссиясы бу кюнледе Бахсан районну администрациясында жыйылыу бардыргъанды. Анга комиссияны, КъМР-ни Эл мюлк министерствосуну, районну эл мюлк, аш-азыкъ эмда жер бла байламлы халланы  Управлениясыны келечилери, аграрийле къатышхандыла. Кенгешде бизни республикада терек бахчачылыкъны эмда тахта кёгетчиликни айнытыуну юсюнден сёлешиннгенди, деп билдиргендиле муниципалитетни администрациясыны пресс-службасындан.

КъМР-ни Энергетика, тарифле эмда жашау журтлагъа надзор этиу министерствосуну правленини алгъаракъда бардырылгъан кенгешинде талай коммунал жумушла ючюн багъаланы эмда инвестициялы программаланы   тохташдыргъандыла, деп билдиргендиле ведомствону пресс-службасындан.

«Каббалкэнерго» компанияны келечилери Бахсан районда рейдлени ингирде да бардырып тебирегендиле. Аны сылтауун «кюнню бу кезиуюнде ким да юйюнде болуучуду да, ток ызлагъа эркинликсиз къошулгъанланы тутаргъа, адамланы арасында ангылатыу ишни бардырыргъа, счётчиклеге да къараргъа онг болады», - деп ангылатхандыла энергетикле.