Жангылыкъла

Кёп болмай Къабарты-Малкъар къырал университетде Архитектураны кюнюн белгилегендиле. Анга архитектура, къурулуш эм дизайн  институтну  (ИАСиД) преподавательлери, студентлери эм башхала къатышхандыла.

Алгъаракълада Москвада бизни къыралны агропромышленность сферасында эм белгили ишледен бири башланнганды – АПК-ны Ыйыгъы. Аны РФ-ни Эл мюлк министерствосу къурагъанды.

Кёп фатарлы жашау журтлада къонакъ юй (хостел) къураугъа чек салгъан, кеси да быйыл 15 апрельде къабыл этилген 59-ФЗ номерли закон бу айны биринчисинде кюч алгъанды. Аны бла Жашау журт кодексге да тюрлениуле сингдирилгендиле. Федерал кадастр палатаны специалистлери жангы законну магъанасын ангылатхандыла.

Роспотребнадзорну Къабарты-Малкъарда Управлениясыны специалистлери этни эмда аллай продукцияны жарашдырыу бла кюрешген предприятиялада быйыл ючюнчю кварталда жыйырмадан артыкъ тинтиу бардыргъандыла. Бу иш план бла белгиленнген графикге кёре, бирде уа андан тышында да тындырылгъанды.

Нальчикде Къырал концерт залда,  Устазны кюнюне аталып,  уллу байрам болгъанды.  Аны Дуния артий комитетни вице-президенти, бу организацияны Шимал Кавказда  бёлюмюню  башчысы Ауес Бетуганов къурагъанды. Ол эмда КъМР-ни Жамауат палатасыны комиссиясыны таматасы  Доти Бажев, устазланы байрамлары бла къызыу алгъышлап, ала ёсюп келген тёлюню юйретиуге,  окъутуугъа уллу къыйын салгъанларын чертип, ыспас этгендиле.

Автомашина жоллагъа къарагъан «Кавказ» Управленияны специалистлери Ставрополь крайда, Къабарты-Малкъарда, Къарачай-Черкесде, Шимал Осетияда эмда Ингушетияда федерал трассаланы къышха хазыр этип бошай турадыла. Ведомстводан билдиргенлерича, бу ишде юч жюзден артыкъ энчи техника хайырланылады

14-20 октябрьде «Неделя без турникетов» деген битеуроссей акцияны чеклеринде, Россейни машинала ишлеучюлерини союзуну Къабарты-Малкъарда бёлюмю,  жаш адамлагъа усталыкъ сайларгъа болушурча,  бюгюнлюкде урунуу рынокда  сурам болгъан инженер эм ишчи усталыкълагъа сейирлерин бурурча экскурсия бардырлыкъды.  

Бизни къыралда биринчи эмда экинчи сабий ючюн  ай сайын пособие бередиле.

Жоллада жюрюуде къоркъуусузлукъну кючлендирир умутда быйыл Нальчикни талай орамында  жаяу жюрюгенлеге  деп светофорла орнатхандыла. Аланы энчилиги  жолну бирси жанына ётеме деген адам аны юсюнде кнопканы басып, жашил чырагъын жандырыргъа боллугъундады. 

Автономлу коммерциялы болмагъан организация жангы проектлени жашауда бардырыу жаны бла стратегия башламчылыкъланы агентствосу «Россейде предпринимательлик: тарых, проблемала, жетишимле» деген ат бла журналистлеге сегизинчи Битеуроссей конкурсну къурайды. Аны юсюнден бизге КъМР-ни журналистлерини союзу билдиргенди.