Жангылыкъла

Кёп бармай  «Демография» миллет  проектни чеклеринде Исламейни 4-чю номерли орта школунда  40 гитчеге ясли блок ачыллыкъды.  Анга жыл санларына кёре эки къауум жюрюрюкдюле.

Огъары Малкъарны эрттегили Сауту элинде   77 жыл мындан алгъа болгъан бушуулу  ишлени эсгергендиле. Белгилисича, ол зарауатлыкъ  1942 жылда 28  ноябрьден башлап 1 декабрьге дери баргъанды. 

«Трезвая Россия» федеральный проектни специалистлери (ангыларгъа онг чыкъмай эсе) башха-башха регионлада адамла ичгини къаллай бир хайырланнганларын «ёнчелерге» оноулашхандыла. Аланы тинтиулерини эсеплери уа «Комсомльская правда» газетде билдирилгендиле.

Ара шахар кеф болгъанды

Областьланы, крайланы бла республикаланы экспертле быллай шартлагъа кёре тенглешдиргендиле: аракъы къаллай бир сатылады, ичгичиликден ёлгенлени саны, алкоголизим деген диагноз къаллай бир адамгъа салыннганды. Эсирип этилген бузукълукъланы санына да къаралгъанды.

Ана тилибизде чыкъгъан газетибиз къыраллыгъыбызны белгилеринден бириди.

Сунмай тургъанлай биринчи къар да жауду, адамла да жылы кийимлерин кийдиле. Болсада бу кюнледе тюкенледе тюклю тонланы сатыу да къыстау барады. Аланы багъалары тюрлю-тюрлюдюле, алай не учузу да бир ненча минг сом турады. Сёзсюз, мында хар адам да биринчиден -  «быллай багъалы зат ала эсем, аны качествосу да иги болургъа керекди» дейди. Алай ол оюм жашауда да алай болурму?..

Нальчикни мэриясы Жангы 2020 жылгъа хазырланып башлагъанды. Къырал кереклени сатып алыуну сайтында билдирилгенича, байрам салютха шахар бюджетден 495 минг сом къоратыллыкъды.

Чегем шахарны «Южный» микрорайонунда  140 гитчеге  жангы садикни къурулушу барады. Бюгюнлюкде аны ясли  блогуну къабыргъаларын къызыл кирпич бла  къалап башлагъандыла,-  деп билдириледи КъМР-ни тынгылы къурулуш управлениясындан.   

Бу кюнледе Зольск районда сууукъла къысып, туман басып эмда жел уруп тургъаныны хатасындан магистраль ток ызлагъа къалын буз жабышып, аныкёп жерлери юзюлгендиле, аланы тутхан чыпынланы бир кесеги да аугъандыла.

Сауутланнган кючлени  запасдагъы офицерлерини биригиулерини «Мегапир» миллет ассоциациясыны КъМР-де бёлюмю  Бахсан шахарда «Солдатны анасыны жюреги» деген патриот акцияны  бардыргъанды.  Анга сыйлы къонакълача Россейни Жигитлери Валерий Куков  бла  Абубакар Костоев чакъырылгъандыла.