Жангылыкъла

Россельхозбанкны Къабарты-Малкъарда бёлюмю  «Къыралны болушлугъу бла 2020 жылда ипотека» деген программагъа кёре адамлагъа фатарла алыргъа эм къурулушчулагъа да болушурча жангы  проектни башлагъанды. Аны хайыры бла энди ипотеканы жылгъа  6,3 процент тёлерча  алыргъа боллукъду, деп билдириледи финанс учрежденияны пресс-службасындан.

Россейни арасы… Красноярск крайда

Россейни география арасы уа Москва тюйюлдю. Аны къайдагъысын билир ючюн, академик Пётр Бакут тинтиуледен сора энчи формуланы жарашдыргъанды. Алай бла тергеулеге кёре, ол ара Красноярск крайны Эвенкийский районунда Виви кёлню къыбыла-кюнчыгъыш жагъасында болгъанын тохташдыргъанды.

Республиканы шахарларында бла эллеринде жолланы кече жарытыу жаны бла мадар этиле тургъанын билдиргендиле КъМР-ни Жол мюлк управлениясындан.

Вузда окъугъан жылларында Фатима  бийик жетишимлеге жеталгъанды, ол санда илму тинтиуледе да. Аны ишлери, вуз, регион, халкъла аралы даражалада къуралгъан тюрлю-тюрлю илму-практика конференциялада кёргюзтюлюп, дипломлагъа, сертификатлагъа тийишли болгъандыла.

Быйыл биринчи кварталда «Россети Шимал Кавказ» компаниягъа ток сетьлеге къошулургъа сюйгенледен 6690 заявка берилгенди. Аланы барына да 302 МВт электрокюч жиберирге керекди. Тенглешдирип айтханда, былтыр бу кезиуде заявкаланы саны жаланда 4800 болгъанды, деп белгилегендиле компанияны КъМР-де бёлюмюнде.

Калифорниялы щитовка (Quadraspidiotus perniciosus) жемиш тереклеге бек уллу хата салгъан къуртха саналады, дейдиле Россельхознадзорну Къабарты-Малкъарда эмда Шимал Осетияда управлениясында.

Терек шахарда бир кезиуге 140 сабий кечинирге боллукъ садикни къурулушу барады.

РФ-ни Налог службасындан  шёндю бу коронавирусну хатасындан чыкъгъан чырмаула ючюн налогланы аванс эмда страховой тёлеулени кечирек берирге болурун билдирген эдиле алгъаракъда.

Май районну администрациясыны башчысы Татьяна Саенко Майский шахарда канализация системада тазалаучу объектле ишлерик подряд организацияны келечилери бла тюбешгенди.

Къабарты-Малкъар Республиканы Правительствосуну быйыл 6 апрельден 65-ПП номерли бегими бла  эл мюлкде битимчиликни талай тюрлюлеринде производство бла кюрешгенлеге субсидияла бла онгдурууну Жорукълары тохташдырылгъанды.