Жангылыкъла

Къабарты-Малкъарда быйылны биринчи кварталында  промышленный производствода ахшы  ёсюм эсленеди. Былтыр бу заман бла тенглешдиргенде, ол  9,1 процентге кёпдю, деп билдириледи Къырал статистиканы федерал службасыны СКФО-да Управлениясындан.

Быйыл эл мюлк жерлени буз уруудан къорууларча мадарлагъа Къабарты-Малкъарны бюджетинден 22 миллион сом бёлюнюрюкдю, деп билдириледи Эл мюлк министерствону сайтында.

Кёп болмай РФ-ни Эл мюлк министерствосу бардыргъан  «Биз сизни ючюн солуу кюнсюз ишлейбиз» деген акциягъа Къабарты-Малкъарны  аграрчылары да къатышхандыла.

Россельхозбанкны Къабарты-Малкъарда бёлюмю  «Къыралны болушлугъу бла 2020 жылда ипотека» деген программагъа кёре адамлагъа фатарла алыргъа эм къурулушчулагъа да болушурча жангы  проектни башлагъанды. Аны хайыры бла энди ипотеканы жылгъа  6,3 процент тёлерча  алыргъа боллукъду, деп билдириледи финанс учрежденияны пресс-службасындан.

Россейни арасы… Красноярск крайда

Россейни география арасы уа Москва тюйюлдю. Аны къайдагъысын билир ючюн, академик Пётр Бакут тинтиуледен сора энчи формуланы жарашдыргъанды. Алай бла тергеулеге кёре, ол ара Красноярск крайны Эвенкийский районунда Виви кёлню къыбыла-кюнчыгъыш жагъасында болгъанын тохташдыргъанды.

Республиканы шахарларында бла эллеринде жолланы кече жарытыу жаны бла мадар этиле тургъанын билдиргендиле КъМР-ни Жол мюлк управлениясындан.

Вузда окъугъан жылларында Фатима  бийик жетишимлеге жеталгъанды, ол санда илму тинтиуледе да. Аны ишлери, вуз, регион, халкъла аралы даражалада къуралгъан тюрлю-тюрлю илму-практика конференциялада кёргюзтюлюп, дипломлагъа, сертификатлагъа тийишли болгъандыла.

Быйыл биринчи кварталда «Россети Шимал Кавказ» компаниягъа ток сетьлеге къошулургъа сюйгенледен 6690 заявка берилгенди. Аланы барына да 302 МВт электрокюч жиберирге керекди. Тенглешдирип айтханда, былтыр бу кезиуде заявкаланы саны жаланда 4800 болгъанды, деп белгилегендиле компанияны КъМР-де бёлюмюнде.

Калифорниялы щитовка (Quadraspidiotus perniciosus) жемиш тереклеге бек уллу хата салгъан къуртха саналады, дейдиле Россельхознадзорну Къабарты-Малкъарда эмда Шимал Осетияда управлениясында.

Терек шахарда бир кезиуге 140 сабий кечинирге боллукъ садикни къурулушу барады.