Билим

Кёп болмай КъМР-ни Жаш тёлюню ишлери жаны бла министерствосу къурап  Къабарты-Малкъар къырал университетде  «Труд-крут» деген аты бла республикалы  семинар-практикум болгъанды.  Россейни студент отрядларыны (РСО)  жаш тёлю битеуроссей организацияны  конференциясы бардырылгъанды, ол санда  студент  отрядланы айнытыу да сюзюлгенди.

Бу кюнледе Х.М.Бербеков атлы Къабарты-Малкъар къырал университетдеги «Точка роста» майданда Россейни сабийлерини эмда жаш тёлюсюню «Къураучулукъ.Чыгъармачылыкъ.Бирге ишлеу. Къымылдауну ишин абаданла бла бирге бардырабыз» деген ат бла къыралны ара шахары Москвада боллукъ  биринчи съездине делегацияны борчларын белгилеуге  эмда жаш тёлю бла байламлы жангычылыкъланы айтыугъа жораланнган  жыйылыу болгъанды.

Атмырзаланы Мадина Кёнделен элни Доттуланы Ахматны атын жюрютген биринчи номерли мектебинде директоруну  юйретиу жаны бла орунбасарыды. Ол «Цифровая образовательная среда» федерал проект къалай толтурулгъаныны юсюнден билдиргенди.  

 Жаш адамларыбы ёз миллетини тарыхын билип сюерча этиу хар абаданны да борчу десек, ётюрюк болмаз. Ол жаны бла энчи борч устазланы, алимлерибизни эм жазыучуларыбызны боюнларына салынады. Сабийлени малкъарлыланы ата-бабаларындан келген айтыуларына, таурухларына сейирлери болур ючюн а ала кеслери да жомакълы дуниягъа тюшерча эте билиу а бек магъаналыды. Нальчикни 13-чю номерли гимназиясыны ана тилден бла адабиятдан устазы Созайланы Фазилят аллай устазды. Ол сохталарыны ёз тиллерине сейирлери ёсерча  амалланы излгенлей, тю бешиуле къурагъанлай турады.

Эколого-биология арада «Мени жерим – Къабарты-Малкъар» республикалы конкурсну эсеплери чыгъарылгъандыла, хорлагъанла саугъаланнгандыла. Курортла эм туризм министерствону жамауат эм асламлы органла бла байламлыкъла жюрютюу жаны бла бёлюмюню таматасы Ольга Погребняк айтханнга кёре, аланы муратлары жаш тёлюню туризмни юсюнден оюмларын, сейирлерин, ала кеслерин боллукъ заманда къалай кёргенлерин билирге эди.

Жай кюнлени биринде «Заман» газетге корректор керекди деген билдириуню кёреме. Мында ишлерге муратым эрттеден болгъаны себепли, конкурс кюнню ашыгъып сакълайма. Талай адам келген эдик, аланы араларында Улбашланы Мурат да болгъанды. Ючеуленни ол кюн редакциягъа аладыла, ол санда Муратны, мени да. Алай бла коллегала, шуёхла да болабыз. Мурат ишин сюйген, тюзлюкню багъалагъан, адамла бла бир тил таба билген журналистди, керти, ышаннгылы тенгди. Аны бла окъуучуларыбызны да шагъырей этерге сюеме.

РФ-ни сыйлы агроному, КъМР-ни илмусуну сыйлы къуллукъчусу Мирон Ханиевге аталып, Къабарты-Малкъарны къырал аграр университетинде Битеуроссей илму-сынам конференция бардырылгъанды кёп болмай. Аны баш темасы «Россей Федерацияны илму-техникалы эмда социал-экономикалы жанлары бла айнытыу онглары» болгъанды.

«Физкультура бла спортну юсюнден» эм «Билим бериуню юсюнден» федерал законлагъа тюрлениуле этилгенлери себепли 2022 жылны ахырына дери «тренер-преподаватель» профессионал стандарт кийирилликди, аны юсюнден Россейни Правительствосуну сайтында билдириледи.

Бир жыл республикагъа «Къонакъбайлыкъ» проектни хайыры бла Тюркден сабийле келген эдиле. Аладан бири - Ойсу деген къызчыкъ -Хасанияда юйюрледен биринде тохтайды, окъургъа да элде 16-чы номерли  школгъа жюрюйдю.  Мектепни оноучулары тюрклю къызчыкъны орус тилге юйретиуню устаз Созайланы Кизикагъа буюрадыла. Ойсу аны хайырындан экинчи-ючюнчю кюнюнде окъуна кёп сёзню биледи.

Къабарты-Малкъар къырал университет  8-11 классланы  окъуучуларына бюгюннгю программированиядан къошакъ халда эки жыллыкъ курсла бардыргъан  «Код будущего» проектге къатышхан   учрежденияланы тизмесине киргенди. Аны магъанасы жаш адамланы, бютюнда  школчуланы  рынокда уллу  сурам болгъан цифралы технологияла бла байламлы усталыкълагъа тартынырча этергеди.