Право

Пассажирлени жюрютюу бла кюрешген транспортну тинтгенде, автоинспекторла 340 административ кемчилик ачыкълагъандыла. Эки кюнню ичинде  полициячыла автобусланы водительлери жолда жюрюуню жорукъларына 237, таксистле  уа 103 бузукълукъ этгенлерин тохташдыргъандыла. Аланы асламы  техника   жаны  ла чурумлары болгъан машиналада ишлегенлери бла байламлыдыла.

Оператив тинтиулени кезиуюнде КъМР-де МВД-ны наркотиклеге къажау полициячылары ФСБ-ны республикада Управлениясында коллегалары бла бирге Нальчикде Свердловск областьдан 33-жыллыкъ эр кишини бла 25-жыллыкъ тиширыуну тутхандыла. Эр кишини хуржунларын тинтгенде, порошокга ушагъан зат табылгъанды

Кёп болмай Чегем шахарны Маданият юйюнде «Рыцари закона» деген районла аралы  конкурс болгъанды. Аны      акъылбалыкъ болмагъанланы  ишлери  жаны бёлюм  эм  билим бериу управление жаш адамланы саулукълу, къоркъуусуз  жашау бардырыргъа,  терроризмден, экстремизмден  башха аманлыкъладан да сакъланыргъа эмда патриот сезимлерин кючлергеди.    

          Тюзетиучю учреждениялада тургъан тутмакъланы да энди  бийик билим алыр онглары барды. Москвада  "Синергия" финанс-промышленный университетни  регион келечиси  Владимир Кулагин  бу кюнледе  КъМР-де УФСИН-ни  колонияларында болгъанды эмда  анда тургъанланы вузну   факультетлери, билим бериу программалары бла да шагъырей этгенди, окъутуу  къалай къуралгъанындан  да   хапар айтханды.

РФ-ни Следствие комитетини КъМР-де Следствие управлениясыны къуллукъчулары Черек районну Жемтала элинде юйюр газдан ууланнганы бла байламлы шартланы сюзедиле.

Быйыл 3 февральда ингирде сагъат бирде Нальчикден Эльбердов атлы орамда авария болгъанды. Насыпха, аны кезиуюнде бир адам да ачымагъанды. Болсада алайгъа жетген  автоинспекторла «ВАЗ-21099» машинаны 29-жыллыкъ водители эсирип тургъанына ишекли болгъандыла. Артда аны медицина тинтиуле да кёргюзтгендиле.

Нальчик шахарда «Успех» билим бериу арада  наркотиклеге къажау  «Сабийлерибизни саулукъларын эмда къоркъуусузлукъларын къоруулау» деген республикалы акцияны чеклеринде экстремизм бла наркомания, ичгичилик, тютюнле адамгъа къаллай уллу хата келтиргенлерини юсюнден лекцияла окъулгъандыла. 

Россейни Миллет гвардиясыны КъМР-де Управлениясы бла «Альтаир» жаш тёлю клуб   бирге ишлеуню амалларын сюзгендиле. Управленияны башчысы полицияны полковниги Сергей Васильев граждан обществону айнытыугъа себеплик этген «Созидание» организацияны бла Орус география обществону «Альтаир» жаш тёлю клубуну таматасы Мокъаланы Тенгиз бла тюбешгенди.

Бир тюрлю сылтау бла ёнкюч излерге, берирге да тюшеди. Алай аны артха алгъан а бир-бирде къыйын болуучуду, бютюнда сёз уллу ахчаны юсюнден бара эсе. Аны себепли юристле борч бергенде, ол шартны къагъытха тюшюрюрге керекди деп юйретедиле. Аны къаллай кезиуледе юридический кючю болгъаныны, къалай жазаргъа кереклисини юсюнден бизге юрист Азамат Тохов ангылатады.  
 

Бу кюнледе «Каббалкэнергону» Май эмда Прохладна районлада бёлюмлеринде ишлегенле сюд приставланы келечилери бла бирге ток ючюн борчла этип тургъанланы жокълагъандыла.