Политика

«Тёрели «муниципал сагъатны» бардыргъанма, анда сёз район администрацияланы эмда шахар округланы башчылары бла миллет проектлени бла къырал программаланы толтурулууларыны юсюнден баргъанды», - деп жазгъанды КъМР-ни Башчысы Казбек Коков кесини телеграм-каналында.

Быйыл 22 июльда энчи аскер операциягъа къатышханлагъа эм аланы юйюрлерине медицина эм психология жаны бла болушлукъ этерге деп бирикдирилген федерал телеграм-чат ишлеп тебирегенди. Бу проектни Ата журтну аскерчилерини юйюрлерини комитети бла «Социал болум» (ол «ЗдравКонтроль» федерал проектни къауумуна киреди) фонд къурагъандыла. Анга Россей Федерацияны Жамауат палатасы болушлукъ этеди.

Аскерге  къуллукъ этерге чакъырыу  кампания башланнганды. Къабарты-Малкъардан  къыралыбызны кюнбатыш жанындан башлап  битеу регионларында да аскер бёлюмлеге минг жаш адам ашырыллыкъды.

Право низамны сакълаучу органлада къуллукъларын толтура жан бергенлени эсде тутууну кюню бла байламлы Къабарты-Малкъар Республиканы Башчысы К.В. Коковну чакъырыу сёз

 КъМР-ни Башчысы Казбек Коков республикада ишлене тургъан социал объектлени къурулушлары къалай баргъанларына къарагъанды. 

«Единая Россия» партияны биринчи бёлюмлерини советини кенгешине къыралны 89 регионундан партияны келечилери жыйылгъандыла. Анда биринчи бёлюмлени  даражаларын  кётюрюу, кадрланы хазырлау, жамауат проектлени конкурсларына къатышыу эмда айырыуланы кезиуюнде тириликни жалчытыу соруулагъа къаралгъанды.

КъМР-ни Башчысы Казбек Коков республиканы транспорт эм жол мюлк министри Аслан Дышеков эм Нальчик шахар округну администрациясыны башчысы Таймураз Ахохов бла тюбешгенди.

Къол кётюрюуню бирикдирилген кюнюнде «Единая Россия» къыралда баш политика кюч болгъанын энтта бир кере ачыкъ этгенди. Айырыуланы асламында аны келечилери кёпчюлюкню алгъандыла. Сайлауланы эсеплери бу кюнледе ТАСС-да бардырылгъан тюбешиуде белгили этилгендиле.

Къабарты-Малкъарда 8 сентябрьде боллукъ айырыулада 700-ден аслам жамауат къараучу ишлерикдиле, деп билдиредиле Жамауат штабны пресс-арасындан.

 «Единая Россия» тамамлагъан «Сабийни школгъа хазырла» жандауурлукъ ишни эсеплери чыгъарылгъандыла эмда къыралда билим бериу учрежденияланы жангы окъуу жылгъа хазырлыкълары сюзюлгенди. Партияны битеуроссей штабыны жыйылыуунда белгили этилгенича, битеу да бирге школ керекле бла 240 минг сабий жалчытылыннганды. Депутатла, жамауатны жанындан да контроль  къатыланнганыны хайырындан а школланы къурулушларын эмда тынгылы жангыртыу жумушланы заманында бошаргъа онг болгъанды.