|
Жамауат
7 августа, 2019 - 08:24
Бир кере уллу шахарладан биринде болгъанымда, мында биреуленден ыразылыкъ айтыргъа деп, бир малкъарлы жашха тюберге баргъан эдим. Кертисин айтсам, аны жокълагъаныма ол да бек ыразы болгъан эди, бютюнда ана тилде саламлашып киргенимде. Ол сагъатда аны бети къалай жарыгъанын къагъытха къалай салалгъын? Аны бла ушагъым эсимден кетмейди. Алай нек болгъанын а бирде ангылайма, бирде тюшюналмайма.
7 августа, 2019 - 08:22
Жанна бла Замир юйюр къурагъанларында, аланы ариу тойлары уллу къыйынлыкъны башланнганы болгъанын бир адам да сезмегенди. Да не зат сезерик эди ким да? Бу эки адам бир бирлерин школ жыллада окъуна сайлагъандыла. Сыфатлары кёз къамата, ишге жетгенде, арый билмегенле, жарыкъ кёллюле. Онбеш жыл бир кюнча озду. Замир къурулушда ишлей, тёрт сабийлерин, юйюн да тутхан ол эди.
7 августа, 2019 - 08:14
Узакъ тау элледе жашагъанладан къайсына тюбесенг да, биринчиден,ол тёгерекни къуршалагъан къаяланы, хауаны тазалыгъыны, череклеринде шорхулдап саркъгъан ариу кёк сууну юслеринден уллу ёхтемлик бла, ким да сукъланырча айтып башлайды. Аллай жерледе ёсген жашла бла къызла предприятияла, уллу, гитче да заводла, лабораторияла, цехле хауаны къалай кирлендиргенлерин, аланы къатларында жашагъан адамла уа аны бла къалай солугъанларын сезалмайдыла. Тауладан тюшюп, шахаргъа келселе уа, къыйналгъан окъуна этедиле.
7 августа, 2019 - 08:12
Хурметли жамауат!
Сиз бир тюрлю сылтаула бла «Заманнга» жазылалмай къалгъан эсегиз, ишни тюзетирге онг барды. Августну 27 дери, почтагъа барып, ана тилибизде чыкъгъан газетге жазылсагъыз, аны 1 сентябрьден алып, окъуп башларыкъсыз.
Жазылыуну тёрт айгъа багъасы -464 сом 20 капекди.
Бизни индексибиз - 51532
7 августа, 2019 - 08:08
Кючюкланы Азретни жашы Махмут билим бериуде 56 жылны уруннганды, андан 27-син Яникойну орта школуна башчылыкъ этгенди. Сабийлени окъутуугъа уллу къыйын салгъаны ючюн анга СССР-ни эмда РСФСМР-ни билим бериуюню отличниги деген ат аталгъанды, «Сыйлылыкъны Белгиси» орден бла, «За доблестный труд» майдал бла да саугъаланнганды. Аты «Россейни ахшы адамлары» деген энциклопедиягъа жазылгъанды.
2 августа, 2019 - 09:15
Тогъузаланы Исмайылны жашы Магометни къадар кёп жерлеге элтгенди, ол кёп кёргенди, кёп билгенди. Бош ишчиден жууаплы партия къуллукъчугъа дери ёсгенди. Онунчу классны 1956 жылда Къазахстанда бошагъанды.. Спорт бла кюреширге бек сюйгенди. Акмолинск областьны «Локомотив» спорт обществосуну футбол командасына да киргенди.
2 августа, 2019 - 09:10
Эсеплеге кёре, былтыр гудучула бизни банк карталарыбыздан бир миллиарддан аслам сомну урлагъандыла. Аланы хаталары битеу да 107 минг адамгъа тийгенди. Быйыл Ара банк быллай аманлыкъ ишлени саны азайырыкъды, дейди. Алай экспертлени оюмларына кёре уа, ала бютюн кёбейирикдиле. Ол а сагъайтмай къоймайды…
2 августа, 2019 - 09:05
Узакъ ёмюрлюлени айрыкамлары
Филиппинский тенгизде дунияда эм кёп жашагъан адамланы айрыкамлары барды. Анда Окинава атлы японлу жерчикде жыл санлары жюзден атлагъан беш жюзге жууукъ адам турадыла. Процентлени келтирип айтханда, хар жюз минг инсаннга отуз беш тамата жетеди. Ол а жер башында эм уллу кёрюмдюдю.
31 июля, 2019 - 08:18
Россейни сыйлы художниги, КъМР-ни халкъ суратчысы Виктор Абаев бизни республикада бек белгили суратчыладан бириди. Жашаудан он жыл мындан алгъа кетгенди, анга жетмиш эки жыл бола эди, алай республиканы интеллигенциясына эм Абаевни чыгъармачылыгъын сюйген адамлагъа аны ёлюмю уллу бушуу болгъан эди. Аны чыгъармачылыгъында Малкъар аслам жерни алады, баям, юй бийчеси Болатланы Людмила малкъарлы болгъаны бла да байламлы болур ол. Бу шарт ючюн таулулагъа энчи суратчыды.
31 июля, 2019 - 08:16
Бизни бир къауум адамыбыз бушууу болгъанны арбазына киргенде, биринчи ёлгеннге дууамы этдирирге керекди, огъесе анда олтургъан адамлагъа салам бериргеми тийишлиди деп, даулаш боладыла. Биз аны юсюнден Ахматланы Назир хажи бла ушакъ этгенибизде, ол былай айтханды:
Страницы
|