Симферопольдан – жетишимле бла

Симферопольда каратеден Кърым Республиканы биринчилиги бла чемпионаты эм WSKF каратеден регионла аралы турнир къуралгъанды. Анда бизни республикадан аскер искусстволаны «Барс-Тырныауз» академиясыны юч келечиси жетишимли болгъандыла.

Ангелина Лазаренко бла Этезланы Владимир, эки эришиуде да кеслерини къауумларында хорлап, республикабызны эм кючлю каратечилерини санына киргенлерин энтта бир кере кёргюзтгендиле. Эльмира Кязимова уа Кърымны биринчилигинде – «кюмюшню», турнирде уа – «доммакъны» алгъанды.