Умутландыргъан каратечилени къауумунда

Орёлда окъуучуланы араларында XI Жай Спартакиаданы чегинде каратеден эришиулени финаллары бардырылгъандыла. Аланы эсеплерине кёре, бизни республиканы келечилери юч майдал къытхандыла.

«Толу контактда» 75 килограммгъа дери ауурлукъ къауумда Темуккуланы Ахмат хорлагъанды, экинчи жерге Мансур Макоев (65кг.) чыкъгъанды. «Толу контакт къорууланыу амалла бла» бёлюмде «алтынны» Маирбек Темроков (72кг.) алгъанды. Спортчуланы тренерле Даул Кешев, Алан Макоев, Казбек Майрамуков юйретедиле.

Медалистле барысы да Россейни жыйымдыкъ командасына киргендиле, ала энди дунияны биринчилигинде сермеширикдиле. Ол да Орёлда 30 октябрьде – 6 ноябрьде боллукъду.