Даражалы турнирден майдалла бла къайтхандыла

Черкесскде «Юбилейный» спорт арада тхэквондону WTF тюрлюсюнден «Россейни тхэквондодан союзуну президентини кубогу» деген аты бла халкъла аралы эришиу бардырылгъанды. Даражалы турнирге къыралыбызны 45 регионундан, Белоруссиядан, Армениядан бла Къазахстандан 600-ден аслам юниор, абадан спортчу эм сакъатлыкълары болгъан атлетле къатышхандыла.

Эришиуню биринчи кюнюнде бизни республикадан «алтынны» Идар Багов алгъанды, «кюмюшню» – Милана Бекулова, «доммакъны» уа Даниил Яхненко бла Тамерлан Сохов къытхандыла. Чекленнген онглары болгъанланы араларында саугъа жерлеге Роман Елькин бла Лукман-Хаким Истамулов чыкъгъандыла.

Ызы бла майдалла бла дагъыда жети спортчубуз къууандыргъандыла. Абадан атлетлени араларында Дамир Гусейнов бла Ислам Шокуев хорлагъандыла. Экинчи, ючюнчю жерледе Ахметланы Борис, Асанланы Дарина, Тимур Дышеков эм башхала орналгъандыла. Аланы тренерле Ахметланы Амир, Тикаланы Индрис, Беслан Хараев, Абдельджабар бла Кантемир Унажоковла юйретедиле.