Алчылыкъны ычхындырмайдыла

Элбрус районну Байзулланы Ю.К. атлы олимпиада резервли спорт школуну гимнастика бёлюмюне сабийле сюйюп келедиле, бюгюнлюкде ары жюрюгенлени саны 90-дан атлагъанды. Жашчыкъла бери къарыу алыр, единоборстволада неда спортну башха тюрлюлерине жараугъа барырдан алгъа чыныгъыр муратда жюрюйдюле, къызчыкъланы уа ата-аналары ала субай, назик болур ючюн келтиредиле.

Гимнасткаланы араларында, эришиулеге къатышып, жетишимли болгъанла да бардыла. Юлгюге, алгъаракълада Бэлла Губашиева Ставрополь крайны биринчилигинде хорлагъанды, терроризм бла къажау кюрешге аталгъан республикалы эришиуде да экинчи жерни алгъанды. Анда саугъа жерлеге дагъыда Даяна Джумалиева, Алина Ашабокова, Малика Буштокова,  
Даяна Иванова чыкъгъандыла. Сабийле ахшы кёрюмдюле болдурурларына уллу къыйын тренерле Наталья Губашиева бла Инна Варакина къайгъырадыла.

Суратда: гимнастикагъа жараугъа жюрюгенлени къаууму.