Энергияны аяуну кюнюЖыл сайын онбиринчи ноябрьде Энергияны аяуну битеудуния кюню белгилегенди. Бу байрамны баш магъанасы ресурсланы аяулу къоратыргъа кереклисине эмда энергияны къайтарып берген жерлени айнытыугъа эс бурууду. Бу байрамны 2008 жылда Къазахстанда бардырылгъан «Ресурсланы эмда энергияны хайырланыу жаны бла школ проектни» (SPARE) халкъла аралы кенгешде къурагъандыла. Ол жыл окъуна аны 20 къырал белгилегенди. Энергияны аяу тёгерекдеги къудуретни тазалыкъда тутаргъа себеплик этеди. Ол экономика жаны бла да файдалыды. Энергоресурсланы аяу, хайырланыучулагъа жангыдан чыгъарылгъан энергияны жетдиргенден эсе эки, юч кереге учуз келеди. Анда кёп амал барды, асламысын кимле да эталлыкъдыла. Сёз ючюн, юйде тёрели чыракъланы орунуна токну аягъан тюрлюлерин хайырланыргъа боллукъду. Электрокючню уа, бир угъай, эки тарифге кёре ишлегенин орнатыргъа. Юйден кетерни аллында отоулада чыракъланы ёчюлтюгюз. Хайырланнган приборларыгъыз къалай ишлегенлерин да билигиз. Холодильникни батарейледен узагъыракъ салсагъыз, ол токну азыракъ кюйдюрлюкдю. Дагъыда аны къабыргъагъа бек къысмазгъа кюрешигиз. Пылесосну уа терк-терк тазалай туругъуз. Алай этсегиз, ол электрокючню артыгъы бла къоратырыкъ тюйюлдю. Ток плитада тургъан орунда суу къайнап тебиресе, аны кючюн азайтыгъыз - ол энергияны артыгъы бла къоратмазгъа себеплик этерикди. Энергияны аягъан адам табийгъат байлыкъланы аяйды, тёгерек-башны таза тутаргъа болушады. Бу кюн кёп шахарлада тюрлю-тюрлю акцияла бардырыладыла. Алагъа школла, жамауат эмда муниципал организацияла да къатышыучудула.
Поделиться:
Читать также:
26.04.2024 - 16:59 →
Хар усталыкъны да кесини жашырынлары бардыла
26.04.2024 - 14:51 →
«Къыйын болумлагъа тюшген сабийлеге болушлукъ этиу баш борчларыбыздан бириди»
26.04.2024 - 14:49 →
Элни аллында ыспасха, хурметге да тийишли бола
26.04.2024 - 09:45 →
Эл айнытыуну жолу бла барады
25.04.2024 - 17:45 →
«Тизгинсизликди аланы жайылыуларыны баш сылтауу»
|