Къол усталаны чыгъармаларына сейир этгендилеРоссейни Аманлыкъчыланы терсликлерине жолукъдуруу жаны бла федерал службасыны КъМР-де Управлениясыны производство бёлюмю Нальчикде Абхазия майданда сатыу-алыу ярмаркагъа къатышады. Ары жууапха тартылгъанланы урунуугъа сингдириу ара чыгъаргъан товарла келтирилгендиле, ол санда кийимле, мебель, темирден затла, аш-суу да. Ала къалай сатылгъанларына уа Управленияны башчысы Александр Демидов бла аны орунбасары Аслан Абазов къарагъандыла. Ярмаркагъа келгенде, ала бютюнда аш-суу затлагъа эс бургъандыла: сютге, бишлакълагъа, дагъыда сары эм чёплеу жаулагъа, консервалагъа. Тутулгъанланы къолдан этилген аберилерине да сейир уллу болгъанды: шахматлагъа, тюрлю-тюрлю омакъ орунчукълагъа эм башхалагъа. - Бу жумушлагъа УФСИН-ни промышленный бёлюмюню онгларын кёргюзтюр, къырал, муниципал эм энчи иели предприятиялагъа товарларын ачыкълар мурат бла къатышханбыз. Дагъыда конкуренцияны кючлерге, товарларыбызны тюзюнлей сатаргъа сюйгенбиз,-дегендиле бизге ведомствону пресс-службасындан.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|