Мингнге жууукъ инсаннга къаралгъанды

2 февраля, 2024 - 10:45

Къабарты-Малкъарда «Онкология ауруулагъа къажау туруу» регион программаны эм «Саулукъ сакълау» миллет проектге кёре, Онкология диспансерде, Республикалы клиника хирургия арасында эм Районла аралы кёп профильли больницаны мурдорунда амбулатор халда   онкологиялары жокъланнганлагъа бакъгъан юч ара ишлейди. Аланы себеплиги бла былтыр   9134 адамгъа тийишли болушлукъ тапдырылгъанды.

Алада  сынамлы врачла урунадыла, тынгылы  диагностика оборудование - рентгенография, маммография, УЗИ,   компьютер томография, эндоскопия, биопсия эм башхала хайырланыладыла. Аллай онгланы себеплиги бла заманында тынгылы   диагностика бардырып,   болушлукъ тапдырылады.  Ол санда химиотерапия эм  реабилитация да. 

Биринчи медицина болушлукъ берген учреждениялагъа ол уллу себепликди.  Аны чеклеринде диспансеризацияны, диагностиканы эм багъыу ишни да тамамларгъа жарарыкъды. 
Саулай алып айтханда,  быллай амал онкологияны башлана тургъан кезиуюнде тинтирге, саусузгъа тынгылы  багъаргъа  эм  ёлюмден сакъларгъа онг тапдырады.   

Курданланы Сулейман.
  • 15 просмотров
Поделиться: