Жамауат

Олимпиаданы халкъла аралы комитетини (МОК) президенти Томас Бах Россейни атлетлерине Олимпиадагъа  къатышхандагъа жангы чекле салынырыкъларын, ала эришиулеге жангызда бу жорукъланы къабыл кёрселе жиберилликлерин билдиргенди. Сёз ючюн, Россейли властьны энчи аскер операция бла байламлы политикасы жанлы болгъан бир спортчуну да Оюнлагъа къатышыр онгу жокъду. Андан сора ЦСКА-да бла Росгвардияда къуллукъда болгъанла да ол халда. Дагъыда ала нейтральный атлетлеча кёргюзтюллюкдюле. Спортну командалы тюрлюлерине да ала къатышыргъа эркин тюйюлдюле. Аны юсюнден билдириуню биз электрон газетибизни 29 мартда чыкъгъан номеринде этгенбиз.

2023 жылда Къабарты-Малкъарда социал туризмни айнытыргъа белгиленеди, деп билдиредиле республиканы Курортла эм туризм министерствосундан.

Урлукъгъа жараулу картофну кюз эмда къыш кезиуледе тийишлисича сакъларгъа керекди. Жылы кюн жыйылгъан, кеси да иги къургъакъ болгъан битимни олсагъат уругъа тёгюп къояргъа жарамайды, дейдиле Россельхознадзорну специалистлери. 

Хауа жылыгъа айланып, кюнню халы да тохташыракъ болгъаны бла, элчиле кёпжыллыкъ жемиш эмда наныкъ юлкюлени орнатыу бла кюрешип тебирегендиле. Бу кюнлеге аны 150 гектарда тамам этгендиле, деп билдиргендиле республиканы Эл мюлк министерствосундан.

Бу кюнледе Нальчикде  «Автомобиль транспортда авариялада къутхарыу ишлени бардырыуда бек кючлю командасы» деген регион эришиуню 2-чи  кезиую ётгенди. 

РусГидро компанияны Къабарты-Малкъарда бёлюмюню пресс-службасындан билдиргенлерине кёре, республикада гидроэлектростанцияла суу кётюрюлюу кезиуге толу хазырланнгандыла. Алгъаракъда, бёлюмню службаларыны башчыларындан, специалистлеринден эмда Ростехнадзорну келечилеринден къуралгъан комиссия ГЭС-леге барып, хар биринде да болумну сюзгенди. 

Бюгюнлюкде Элбрус районда 65 къонакъ юй бла энчи иели комплекс барды, орта эсеп бла жыл сайын «Элбрус» курортда солугъанланы саны 120 процентге жетеди. 2022 жылда бери 560 мингден аслам адам келгендиле, ол а алгъадагъы жылдан 31 процентге кёпдю. Турист жаны бла ишлегенлени саны уа 1480 болады.

Жыл сайын экинчи апрельде Россейни бла Беларусьну халкъларыны бирлешиу кюню белгиленеди. Ма ол кюн 1996 жылда эки къыралны президентлери Борис Ельцин бла Александр Лукашенко Москвада Россейни бла Беларусьну Жамауатын къурау келишимге къол салгъан эдиле.

2023 жылны аллындан башлап республикада къургъакъ кырдык кюйгени бла байламлы 138 болум эсепленнгенди, от ёчюлтюучюле жынгызда бир ыйыкъны ичинде 16 кере чакъырылгъандыла, деп билдиредиле МЧС-ни Къабарты-Малкъарда бёлюмюню пресс-службасындан.

«Eco_love_elbrus» деген  къымылдау къурап, эллерибизде кёп экология акцияла бардырыладыла. Алагъа асламында табийгъатыбызгъа жарсыгъан, аны тамблагъы тёлюлеге сакъларгъа кереклисини къайгъысын кёрген жаш адамла къатышадыла. Бу къауумгъа башчылыгъ а Жазаланы Фатима этеди.