Абаданла тенглери бла кёрюшюрча

Кёп болмай Урван районну Пенсия фондунда  уллайгъанла   тенглери бла заманларын ётдюрюрча аламат  ара ачылгъанды. Биринчи тюбешиуге Пенсия фондну Къабарты-Малкъарда бёлюмюню  таматасы Николай  Баков да  къатышханды. 

Тамата тёлю бирге чай ичерге олтуруп  араны  ишини юсюнден  оюмларын билдиргендиле, ол санда заманларын зауукълу ётдюрюрча  ахшы  онгла къуралгъанларын да сюзгендиле. 

Араны  уллу, жарыкъ залында  жумушакъ мебели эм  кенг тепсилери да бардыла.  Аны бла бирге мында ойнаучу  устройствола эм гитче библиотека  къуралгъанды.  Андан сора да, мында компьютерлери бла  ишлерча эм  солурча жерле  да  жарашдырылгъандыла.   Къонакъла  медицина  мюйюшде къан басымларын ёнчелерча  онг да къуралгъанды.  

Мында хар адамгъа да тап болурча, кишини чырмамазча   диванла  гюрен салыннгандыла. Жумушакъ мебельледе   тынчайып  ушакъ бардырыргъа, чай ичерге эм башха жумушла бла кюреширге да  боллукъду.