Хорлам бла къайтхандыла

Республиканы спортну беш тюрлюсюнден  жыйымдыкъ командасы  олимпиаданы эки кере чемпиону Андрей Моисеевни хурметине бардырылгъан  битеуроссей эришиуледен жетишимли болуп къайтханды. Къызланы къаууму энчи эсепде биринчи жерлеге тийишли болгъандыла. Барысындан да алгъа  Атабийланы Малика чыкъгъанды, кюмюш майдал Къалабекланы Азизагъа жетгенди, «доммакъны» да  Атабийланы Алия алгъанды.

Жашларыбыз да къызладан артха къалмагъандыла. Аланы араларында  Александр Блажко эм кючлю болгъанды.  Ботталаны Дамир да,  кёплени озуп, доммакъ майдал алгъанды.

Алай бла къызларыбызны бла жашларыбызны командалары  турнирде хорлагъаннга саналадыла.

Саулай алгъанда, КъМР-ни жыйымдыкъ командасы  республикагъа  сегиз алтын, бир кюмюш эмда эки доммакъ майдалла  келтиргенди.

 Спортчуланы  эришиулеге В.В.Теппер, И.С.Зенин, С.А.Зенина хазырлагъандыла.