Календарь событий

Саулукъну сакълауда физкультура энчи жерни алады, акъыртын жарау этиу окъуна узакъ ёмюрлюлюкге жол ачады. Россейлиле да арт жыллада анга аслам эс бура башлагъандыла. «Вебер» арадан билдиргенлерине кёре, адамланы араларында ала физкультура бла къаллай бир кюрешгенлерини юсюнден соруу бардырылгъанды.

«Россей» халкъла аралы кёрмючде ётген Предпринимательствону  кюнюнде Къабарты-Малкъардан он предприниматель тематика мастер-классла бардыргъандыла, деп билдиргендиле республикада «Мени бизнесим» арадан.

Бизнесни къайсы тюрлюсю да магъаналы болгъанын кёргюзтгендиле ала. «Hatsibana» ат бла юс кийимле чыгъарыу бла кюрешген Фатима Шогенова быстырны юсюнде халы бла тигип, абериле жарашдырыргъа юйретгенди, ювелир Юрий Маргушев а миллет халда жюзюклени къалай жарашдырыргъа боллугъун кёргюзтгенди.

«Кавказны жаухары» круиз поезд – энчи информация турду, аны кезиуюнде адамланы Шимал Кавказ бла шагъырейлендиредиле, мында къалай солургъа боллугъуну юсюнден билдиредиле.

Орус география обществону «Альтаир» клубу Къабарты-Малкъарны Курортла эм туризм министерствосуну, ФСБ-ни республикада Чекчи управлениясыны себеплиги Хумаланда жангы спелеология экспедиция бардыргъанды.

Жарсыугъа, арт жыллада диабет терк жайылып барады. Андан къыйналгъанла бек алгъа ашларын-сууларын тюрлендиредиле, ол санда татлы  затланы  ауузланыугъа  энчи эс бурадыла. Бу ауруугъа  хорлатмаз ючюн, тюнене татлы  затланы  ашагъанла  аланы бюгюн  арталлыда хайырланмай къоядыла. Ол тюзмюдю? Бу проблеманы юсюнден врач Къулбайланы Элла бла ушакъ этгенбиз.

Былтыр Къабарты-Малкъарда розница халда берилген кредитлени ёлчеми 26,8 процентге кёбейип, быйыл биринчи январьгъа 92,5 миллиард сомгъа жетгенди. Ол санда хайырланыучула алгъан ахча,  21,3 процент къошуп, 50 миллиард сом болгъанды, ипотеканы ёлчеми уа,  33,8 процентге кёбейип, 43 миллиардха жетгенди, деп билдиргендиле Миллет банкны республикада бёлюмюнден.

Кёп болмай «Иш кёллю Россей» жамауат организацияны Къабарты-Малкъарда  бёлюмю къурап   гуманитар-техника колледжде  тюбешиу ётгенди. Аны кезиуюнде    XVI жаш тёлю бизнес-школ  иши бла байламлы презентация болгъанды.   Проектни магъанасы жаш адамланы  предпринимательстволукъну тасхалары бла шагъырейлендирирге эм урунургъа болушургъады. 

Экономика  аманлыкълагъа къажау излеу-тинтиу жумушланы бардыргъан кезиуде РФ-ни ФСБ-сыны КъМР-де Управлениясыны къуллукъчулары «Урвантеплосервис»  акционер обществону баш бухгалтери А.З.Тхазеплованы аманлыкъчы ишин тыйгъандыла,

РФ-ни ФСБ-сыны КъМР-де Управлениясыны къуллукъчулары КъМР-де МВД-ны келечилери бла бирге 46-жыллыкъ нальчикчини аманлыкъ ишин  тыйгъандыла. Аны кийимлерин эмда жашагъан жерин тинтген кезиуде 14,37 грамм «героин» бла 12,71 грамм   «метадон» табылгъандыла, деп билдиргендиле бизге кюч ведомствону пресс-службасындан.

Экономика  аманлыкълагъа къажау излеу-тинтиу жумушланы бардыргъан кезиуде РФ-ни ФСБ-сыны КъМР-де Управлениясыны къуллукъчулары «Нальчикмежтранс» муниципал унитар предприятияны алгъыннгы башчысы О.М.Кандоровну законсуз ишин тохтатхандыла.

Белгилисича, жыл саны келген адамлада тюрлю-тюрлю ауруула къозгъалыргъа ёчдюле. Алай бир-бирлени ол къоркъутмайды. Не сюйсем да, ашарыкъма, ичерикме, энди манга бир зат да боллукъ тюйюлдю, деп суннганла да кёпдюле. Болсада хар пенсиячыны аурургъа къоркъууу башхаладан уллуду. Ол себепден уллайгъанлагъа саулукъларына уллу кёллю болургъа арталлыда жарамайды. Бу материалда биз ара басма органлада басмаланнган билдириуле бла хайырланабыз.

Уллу Ата журт урушну тарыхы ёмюрлени теренине кетеди, болсада адам улуну эси ол къанлы къазауатха, аны сылтауларына бла эсеплерине къайтаргъанлай турады. Аны тёлюлеге сакълау барыбызны да борчубузду, ансыз озгъан жылланы кемчиликлери къайтарылыргъа боллукъдула.

Шимал Осетияны билим бериуде ишлегенлени усталыкъларын ёсдюрген республикалы институтуну башламчылыгъы бла къуралгъан эмда бардырылгъан «Биз башхалабыз, алай эсе да, тенгбиз!» деген регионла аралы конкурс кёп болмай онючюнчю кере бардырылгъанды. Бу эришиуде уа кеслерини хунерлерин, усталыкълары бла байламлы билим даражаларын ана тиллени окъутхан устазла ачыкълайдыла.

 Юч кюнню ичинде президентни сайлау бла байламлы айырыула бардырылыуну аллында Владимир Путин россейлилеге телевидения бла Биринчи каналда чакъырыу этгенди.