Календарь событий

«Касперскийни лабораториясы» билдиргеннге кёре, кичи класслада окъугъан сабийлени 88 проценти  энчи смартфон неда планшет бла хайырланады, сёзсюз, ала интернетге да  киредиле, ол угъай да,  интернетсиз болалмай къалгъаннга да ушайдыла. 

Бу кюнледе Нальчикде битеустильли каратеден Миллет гвардияны ОМОН «Вершина» эм СОБР «Эльбрус» бёлюмлеринде къуллукъ эте, аскер борчларын толтура, Энчи аскер операцияны кезиуюнде жан берген аскерчиле Аслан Кештовну, Къудайланы Радмирни, Ренат Калажоковну эм Альберт Геховну хурметлерине жораланнган республикалы эришиу ётгенди. 

Газетни сайтында эллерибизни тарыхларыны юсюнден билдириулени  басмалай туруучубуз. Бу жол сёз Бабугентни юсюнден барлыкъды. Эл Черек  районда   орналыпды, аны онтогъузунчу ёмюрде малкъар таубийле Айдаболлары бла Жанхотлары къурагъандыла.

Хыйлачыла телефон бла сёлешип, адамланы арт кезиуледе безитип бошагъандыла. Кёпле,  тюз кеси таныгъан адамы сёлешмесе, неда ол номер мында жюрюген номерлеге ушамаса , телефонну алмай да къоядыла. Номер башха регионну неда Москва шахарны болса уа-бютюнда. Алай ол а хыйлачы угъай, сизге керек адам болургъа боллукъду,  дейдиле Роскадастрны Къабарты-Малкъарда бёлюмюнде.

Россейни Журналистлерини союзуну келечисин Сабанчыланы Алийни къызын Арипаны  бериулерин сюймеген, миллетибизде хазна адам да болмаз. Терен билимли, нюр бетли, чынтты таулу къыз, миллетни тарыхында унутулгъан бетлерин табып, Къазахстанны, Къыргъызстанны къум тюзлеринде къалгъан таулу адамларыбызны юслеринден материалла жыйып, тарыхны сейир бетлерин ачханды. «И чужбину, как родину любя», «Подвиг незримый», кёчгюнчюлюкню юсюнден «Шагъатлыкъ эте», Байсолтанланы Алимни юсюнден «Ключи от неба» дагъыда кёп башха бериуле жарашдыргъанды. Арипа Къабарты-Малкъар ГТРК-ны башчысыны орунбасары болуп да бир ненча жылны ишлегенди.

РФ-ни Жууапха тартылгъанланы терсликлерине жолукъдуруу федерал службаны КъМР-де Управлениясыны къуллукъчулары, республиканы полициячылары бла бирге «Жашау болум» рейдни бардыргъандыла. Аны кезиуюнде сюдню оноуу бла тутулгъанланы   сабийлерини жашау болумлары  сюзюлгенди. Тинтиуде ведомстволу эсепде тургъан акъылбалыкъ болмагъанланы юйлеринде да бардырылгъандыла.

Роскадастрны Къабарты-Малкъарда бёлюмюню архивинде сакъланнган 102 мингден артыкъ документни былтыр электрон халгъа кёчюргендиле. Бу ишни анда быйыл да бардырлыкъдыла, деп билдиргендиле республиканы Жер эмда ырысхы бла байламлы халланы министерствосундан.

Аш-азыкъ продукцияны ёлчеми кёбейгени, уллу тюкенле да мадар этип башлагъанлары себепли Къабарты-Малкъарда инфляция азайып башлагъанды. Аны юсюнден Миллет Банкны регионда бёлюмюнде айтхандыла, дегендиле КъМР-ни Башчысыны эмда Правительствосуну пресс-службасында.

Алгъаракълада «Ланцет» деген даражалы медицина журнал аш-азыкъ бла саулукъну байламлыкъларыны юсюнден уллу тинтиуню эсеплерин басмалагъанды. Алимлени халкъла аралы къаууму 1990 жылдан 2017 жылгъа дери 195 къыралда ашны терс  хайырланыудан чыкъгъан чурумланы  сюзгенди. Аллайгъа тинтиучюле хайырлы затланы азлыгъы эмда заранлы затланы кёплюгю болгъан ёлчемни  санайдыла.

Педагогикагъа жашаууну иги кесегин жоралагъанладан бири огъары жемталачы Тетууланы Борисди. Къыркъ жыл эл школда тарыхдан бла географиядан окъутхандан сора, ол, ызындан келген тёлюлеге жол бере, солуугъа кетгенди. Биз,  аны бла ушакъ бардыра, тамата не жаны бла да сейир билимли болгъанына тюшюннгенбиз.