Минги тауну тазалау ишлеге чакъырабыз5 сентябрьде, шабат кюн, Элбрусда «Таза тау» деген уллу экология акция бардырыллыкъды. Ол альпинизм эм тау туризм сезонну жабылыууна аталып къуралырыкъды, деп билдиредиле регионну Курортла эм туризм министерствосуну пресс-службасындан. Анга хар сюйген адам къатышаллыкъды. Акциягъа келгенле «Гара-Башы» (3847м.) станциягъа дери канат жоллада хакъсыз кётюрюллюкдюле. Тау этекле багушдан «Онбиреуленни ышыгъындан» (4200м.) Азау талагъа (2300м.) дери тазаланырыкъдыла. Акцияны къурагъанла кир-кипчикни жыярча къол къапла эм орунла бла жалчытырыкъдыла. Андан тышында тюрлю-тюрлю саугъаланы бла канат жоллагъа абонементлени алырча зауукълу эришиуле да къуралырыкъдыла. Акциягъа къатышыр ючюн, https://docs.google.com/forms/d/e/1FAIpQLSfnxYNDeEU0WFW2x6RjTtPga50JTEdXGc4r8CMBsQGBKSOIbg/viewform ссылка бла кирип, эсепге тюшерге керекди. Минги тауну ариулау ишни «Курорт-Эльбрус» общество «Шимал Кавказны курортлары» обществону, КъМР-ни курортла эм туризм министерствосуну, Элбрус районну администрациясыны, «Альпиндустрия» компанияны себепликлери бла къурайды.
Поделиться:
Читать также:
05.05.2024 - 10:30 →
Къабарты-Малкъар Республиканы Башчысы К.В.Коковну Пасха байрам бла алгъышлауу
05.05.2024 - 10:02 →
«Бу дуниягъа жарыкълыкъ, игилик келтире эсем, кесими насыплыгъа санайма»
05.05.2024 - 09:05 →
Билимин, жюрек жылыуун да аямагъанды эллилеринден
04.05.2024 - 10:00 →
АТЫ ИГИЛЕНИ ТИЗГИНЛЕРИНДЕ АЙТЫЛАДЫ
04.05.2024 - 09:05 →
Кючюню нюрюн кенгнге жая
|