Алгъышлау

Къабарты-Малкъар Республиканы  Башчысы К.В. Коковну Жер-жерли самоуправленияны кюню бла

Алгъышлауу

Хурметли коллегаларым!

Сизни Жер-жерли самоуправленияны кюню бла жюрегимден къызыу алгъышлайма.

Бюгюнлюкде жер-жерли самоуправленияны органларына уллу да, жууаплы да борч салынады. Инсанларыбызны жарсытхан харкюнлюк жумушланы тамамлау, экономиканы бла социал бёлюмню айныулары, адамларыбызны  жашауларын ырахатлы этиу да ма аланы къыйматлы ишлеулерине кёре да болады.

Республикабызны жер-жерли самоуправление органлары саулукъ сакълауну бла билим бериуню ишлерин бютюн игилендириу, социал, жол эмда коммунал инфраструктура не къадар тынгылы болурча этиу, шахарларыбызны бла эллерибизни тапландырыу жаны бла магъаналы проектлени бла программаланы жашауда бардырыугъа жылдан-жылгъа уллу къошумчулукъ эте барадыла.

Сизни энчи аскер операциягъа къатышхан жерлешлерибизге бла аланы юйюрлерине хар жаны бла да эс тапдырыу ишигиз а айтып-айтмазча магъаналыды эмда уллу ыспасха тийишлиди.

Жамауатха хайырлы жумушну тындыргъаныгъыз, ишигизге жууаплы кёзден къарагъаныгъыз ючюн жюрек ыразылыгъымы билдирирге сюеме. Сизни тирилигигиз, башламчы хунеригиз, иш кёллюлюгюгюз да бютюн бийик жетишимлеге жетдирликлерине,  туугъан Къабарты-Малкъарны бла Россейни жашаулары ырахатлы болур, ала жашнар ючюн салыннган борчланы толтурургъа себеплик этериклерине ишексизме.

Барыгъызгъа да кийик саулукъ, жетишимле тежейме! Бар игиликле да сизни болсунла!