Жамауат

Къышда отоуланы жылытыр ючюн, кёпле электропечьлени хайырланадыла. Алай аланы токга салгъанда талай жорукъну билирге тийишлиди, нек дегенде ансыз къыйын болум чыгъаргъа боллукъду. Аны бла байламлы Россейни МЧС-ини Къабарты-Малкъарда Баш управлениясы эсгертиуле этеди.

КъМР-ни Эл мюлк министерствосу былтыр «Гитче эм орта предпринимательствону  акселерациясы»  регион эм  «Гитче эм орта предпринимательство бла  кеслери бир тюрлю иш  башлагъанлагъа болушлукъ тапдырыу» миллет проектлени бардырыргъа  95 миллион сом бёлгенди. Ол буруннгу жыл бла тенглешдиргенле. 30 процентге кёпдю. 

Тюзюн айтсам, Асиятны сёзюн тышына чыгъарыр акъылда тюйюл эдим. Тенг къызынгы хапарын элге жайгъан иги тюйюлдю. Иги тюйюлдю угъай, айыплы ишди. Бу хапарны не ючюн жазгъанымы себебин былайды деп айталлыкъ тюйюлме: Асиятны анасына ачыу эргеми, огъесе Асхатны аллында сёзюне табылмагъанда Асиятны бир тюрлю терслиги болмагъанын ачыкълар ючюнмю? Билмейме. Алай тенг къызым ёмюрден ахыргъа харам этип къоярыкъ эсе да, хапарны айтмай а болмайма.

Къабарты-Малкъарны экономиканы айнытыу министри Рахайланы Борис «Почта Банкны» Шимал Кавказда бёлюмюню башчысы Анатолий Лопырин эмда республикада бёлюмюню таматасы Резуан Мамбетов бла тюбешгенди. Ала бу финанс учрежденияны былтыргъы ишини эсеплерини эмда мындан арысында жюрютюллюк байламлыкъланы юсюнден сёлешгендиле, деп билдиргендиле министерствону пресс-службасындан.

Быйыл Къабарты-Малкъарны тийресинде къыш хазна сууукъ болмагъанды, къар да артыкъ жаууп къыйнамагъанды. Аны себепли тереклеге эмда юлкюлеге хата жетмегенди. Тергеулеге кёре,  кюнню халы былай сау февральны турлукъду, аны ючюн бутакъланы кесип къысхартыргъа да себеплик этерикди.

«Заман» халкъыбызгъа къуллукъ этип, аны жумушларын толтуруп, биринчи хапарчысы болуп келгенли 100 жыл болады. Ол кезиуню ичинде къыралыбызны, республикабызны жашауларында да кёп тюрлю ишле, уллу тюрлениуле болгъандыла, алай газетибиз кесини намысын тас этмегенди эмда хар заманда да тюзлюкню жолундан таймазгъа кюрешгенди. Тутхучлулукъ бла сабырлыкъ аны баш жоругъуду.

Врачла ол ауруугъа «жалгъан затланы хатасындан чыкъгъан ауруу» дейдиле. Адамла уа анга «тютюнчюню бутлары», деп айтадыла. Ол аурууну жаратхан баш сылтауладан бири уа - тютюнлеге табыныуду.

Къабарты -Малкъар къырал заповедник жангы жылда ишин Ата журтубузну ара шахарында Москвада ВДНХ-да «Россей» деген кермючге къатышыудан башлагъанды. Къуру Россейде угъай, саулай Европада да, бийик тау заповедник бизни республикадан сора бир жерде да жокъду.

- Аллай уланы болгъан халкъ насыплыды. Къабарты-Малкъар - аламат, жомакълы жерледен бириди. Анда ариу эм фахмулу адамла жашайдыла. Аланы бай маданиятлары бла адабиятлары барды. Бу республикада жашагъан эки миллетни ахшы келечилерине уа мен айтхылыкъ шайырла Къулийланы Къайсынны бла Алим Кешоковну санайма. Ала Минги тауну эки тёппесича деменгилидиле, деп толу айталлыкъма. Бизни закий поэтибиз Расул Гамзатов да ала бла шуёхлукъ жюрютюп тургъан эди, - деп жазады кесини эсгериулеринде, белгили политик Рамазан Абдулатипов.

Бизни жерлешибиз, Быйсыланы Темиржанны  республикада, андан тышында да кёпле таныйдыла. Ол  Украинада энчи аскер операция башланнганлы, волонтёр болуп, анда къуллукъ этген жерлешлерибизге, башха  аскерчилеге да  мындан абериле элтип, кёп кере баргъанды. Энди уа жамауат ишге тири къатышхан таулу жаш Россейни Президенти Владимир Путинни  айырыулада ышаннгылы адамы да болгъанды.