Жамауат

Белгилисича, кёп болмай Москвада «Биринчилени атламлары» деген сабий эм жаш тёлю битеуроссей жамауат-къырал къымылдауну II съезди бардырылгъанды. Анга къыралыбызны 89 субъектинден 1 минг 300 жаш адам къатышханды. Къабарты-Малкъарны келечилери ары къымылдауну регион бёлюмюню таматасы Аслан Шипшевни башчылыгъында 15 адам болуп баргъандыла. Аланы араларында 4 таулу сабий болгъанды:  нальчикчиле Бёзюланы Лейля бла Жамиля, Чегемден Жаболаны Диана эм Псычох элден Жантууланы Ислам. 

Тёбен Чегемден Гочияланы Ибрагим элде школну бошап, шофёр усталыкъ алгъандан сора, аскерге барып, инсан борчун толтуруп къайтады. Андан сора туугъан элинден кенгде узакъ кюнчыгъышха ишлерге кетеди. Мындан ары онеки минг километр барды. Москвадан ары самолёт сегиз сагъат учады.

Бир жол тыш къыралгъа солургъа барама. Анда эрттегили танышыма тюбегенимде, нечик тарды бу дуния, деп келеди кёлюме. Жарсыугъа, солугъан кюнле бек терк озадыла. Кетер заманыбыз да жетди. Танышым да бизни бла тебиреди артха.

Бийчеккуланы Жаннета «Заманда» корректор болуп ишлегенли 20 жылдан атлагъанды. Хар материалгъа тынгылы къарай, халатланы тюзете, газетибиз окъуучугъа ариу кёрюнюрюне къайгъырады. Жууаплылыгъы, терен билими, айтхан сёзюне кертичилиги ючюн нёгерлерини араларында намысы да жюрюйдю, Къабарты-Малкъарны Маданият министерствосуну сыйлы грамотасы бла саугъаланнганды.

Былтыр республикабызда биринчи кере «Къабарты-Малкъарны ёхтемлиги» деген ат бла эришиу бардырылгъанды. Аны Жаш тёлюню ассоциациясы Жаш тёлюню ишлери жаны бла министерствону болушлугъу бла регионну эм къыралны айныууна къошумчулукъ этген жаш адамланы ачыкълау эм алагъа себеплик этиу мурат бла къурагъанды.

Къабарты-Малкъарда Предпринимательлени эркинликлерин къоруулау жаны бла уполномоченныйде Жамауат советни жыйылыуунда бизнес-омбудсменни былтыргъы ишини эсеплерини эмда быйылгъа белгиленнген борчларыны юсюнден сёлешгендиле. Анга республиканы законла чыгъарыучу, толтуруучу власть органларыны келечилери, предпринимательле да къатышхандыла, деп билдиргендиле Уполномоченныйни аппаратындан.

Юй сюеген не заманда да учуз болмагъанды. Къолундан келсе, адам аны талай айны ичинде ишлеп чыгъаргъа боллукъду. Алай кёпледе уа ол бир ненча жылны алады. Аны ишин теркирек этерча ипотека ахча алыргъа боллукъду. Алай юйюрню жашау болуму доюн тюйюл эсе уа, къыралдан къайтарылмазлыкъ субсидия алыргъа онг барды; ол къоранчланы ючден экисин жабаргъа боллукъду. Ахча кимге эмда къалай бериледи – аны юсюнденди объясняем.рф порталда айтхандыла.

 Жети жыл мындан алгъа Бабугентде Аттасауланы Ахматны жашы Тахирни башламчылыгъы бла «Къара-Суу» табийгъат заказникни жеринде суула къуйгъан завод ачылгъанды. Энди «Живая вода» атлы биригиуню BabugenT сатыу белгиси бла чыгъарылгъан гара сууларыны юслеринден хапар кенгнге жайылгъанды. Сууну чыкъгъан жери Бызынгы къабыргъаны Мижирги чыранындан башланады.

Юйюр адамны тутуругъуду, къоруууду, насыбыды. Алай сабийлени юслеринден айтханда, ала насыплы болур ючюн, аталары – аналары жууаплы болургъа керекдиле. Боламыды аллай зат: сабий барды, документлери уа жокъду?  Болады. Шёндюгю дунияда кёп ата-анала  «жууаплылыкъ» дегенни билирге сюймейдиле. Юйюр жашау а бек алгъа  ол сезимле бла байламлыды.

Жылдан-жылгъа бизни республикада атланы сюйгенле аслам болуп барадыла. Аны ючюн аланы  кёп жаядыла, башха жерледен багъалы къумалыланы да келтиредиле. Сёзсюз, ол иги ишди, адамны саулугъуна хайырлы спортду. Алай аны башха жаны да барды, бюгюнлюкде ала жолоучуланы абызыратадыла – жолда кёп малла, бютюнда атла жайылгъандыла.