Президентни ышаннгылы адамы

Бизни жерлешибиз, Быйсыланы Темиржанны  республикада, андан тышында да кёпле таныйдыла. Ол  Украинада энчи аскер операция башланнганлы, волонтёр болуп, анда къуллукъ этген жерлешлерибизге, башха  аскерчилеге да  мындан абериле элтип, кёп кере баргъанды. Энди уа жамауат ишге тири къатышхан таулу жаш Россейни Президенти Владимир Путинни  айырыулада ышаннгылы адамы да болгъанды.

Байсы улу анга  ышанылгъан бу  магъаналы  жумуш ючюн ыспас этгенди эмда бек уллу ыразылыкъда Владимир Владимировични сейирлерин къорууларгъа хазырлыгъын айтханды.

Байсыланы Темиржан «Ни Шагу Назад» деген жамауат организацияны толтуруучу директоруду, башда айтханымча, ол СВО-да къуллукъ этгенлеге гуманитар болушлукъну  тийишдирип, жетдиреди.  Жангы жерледе жашагъанлагъа себеплик этиу эм дагъыда тас болуп тургъанланы излеп, табаргъа болушуу ишде  волонтёрлукъ къаллай  къыйын эмда магъаналы болгъанын да бирле айтып угъай, кеси биледи.

 Геуюрге кюн Владимир Путин бла тюбешиуге да къатышханды Байсыланы Темиржан.