Жамауат

Къабарты-Малкъар къырал университетде «Мистер КБГУ-2024» деген ат бла эришиу бардырылгъанды. Анга уа бу жол жетеулен къатышхандыла. Аны башламчылары уа окъуу юйню жаш тёлю политика эмда юйретиу иш жаны бла управлениясыны келечилери болгъандыла.

Къалабекланы Магомедни жашы Алим сабийлигинден да аскерчиликни сайларыгъын билип, КъМР-ни Жарыкъландырыу эм илму министерствосуну «Х.С. Деппу улу атлы 2-чи номерли кадет школ» орта билим берген махкемеде окъугъанды. Ызы бла Къабарты-Малкъар автомобиль-жол колледжни къызыл дипломгъа бошап, техник усталыкъны алгъанды. Аны бла бирге жаш эркин тутушуу, бокс бла да тири кюрешгенди, музыка школда къыл къобузда согъаргъа да юйреннгенди.

Жашууланы Магометни жашы Илияс Афганистан республикада интернационал борчун толтуруп, анда кёргюзтген батырлыгъы ючюн «За боевые заслуги» майдал бла саугъаланнганды. Анга бютюнда магъаналы эм къыйын ишни толтурургъа тюшгенди – душман къойгъан миналаны табып, аланы жокъ этерге.

Къабарты-Малкъар Республиканы хурметли жамауаты! Сизни Ата журтну къоруулаучусуну кюню бла алгъышлайма!
Бу байрам къыралыбызны аскерини бла флотуну махтаулу тарыхыны белгисиди. Быллай кюнде биз Ата журтубузну къоруулаучуларыны тюрлю-тюрлю тёлюлерин, къанлы къазауатда туугъан жерлери, Ата журтну эркинлиги эмда жалынчакъсызлыгъы ючюн жанларын-къанларын аямай кюрешгенлени уллу хурмет бла эсгеребиз, аланы жигитликлерине баш урабыз.
 

Чеченланы Бисо редакцияны къонагъы болуп, кесин, ишини юсюнден да кёп хапарлагъанды. Ол ушакъдан  оюмла бла сизни да  шагъырейлендирирге сюебиз.

Эсигиздемиди, «Бриллиантовая рука» кинону жигити Лёликни: «Къуру айлыкъгъа жаша!» - деген къаргъышы? Бюгюнлюкде уа бу сёзле бютюнда магъаналы болгъанча, кёпле бир жерде ишлегенлери бла чекленип  къалмай, къошакъ файда излейдиле. Работа.ру сайт бардыргъан тинтиулеге кёре, россейлилени 43 проценти шёндю экинчи иш излейдиле, 19 проценти уа жангы жылгъы байрамланы кезиуюнде къошакъ  файда алгъандыла. Алайды да айлыкъгъа жашар онг бармыды, къошакъ файда къайдан чыгъады? Бу статьяда соруулагъа жууапла берирге кюреширикбиз.

Быйыл газетибиз чыгъып башлагъанлы 100 жыл боллукъду. Изданияны тарыхы байды. Биринчи ол «Къарахалкъ», артда «Ленинчи жол», сора «Социалист Къабарты-Малкъар» деп чыгъып тургъанды.  Кёчгюнчюлюкден къайтхандан сора «Коммунизмге жол», 1991 жылдан бери уа «Заман» ат бла басмаланады. 1958 жылда изданияны редколлегиясы Басманы кюнюне жоралап къабыргъа газетни да чыгъаргъанды. Аны архивде табып, изданияны юбилей жылында басмалайбыз.

...Кюз арты эди. Тереклени сары-къызыл чапыракълары кюнню таякъларындан алтын бояулу жылтырайдыла. «Къарап-къарагъынчы кюз да жетди», - деп, аны болумларына да сейир эте, къоншум Ахматны къабагъына жетдим.

 Биз орта кюн Къашхатауда жолоучулукъда болгъан эдик. Район администрацияда ол кюн кёп сабийле ёсдюрген юйюрлени  белгилей эдиле. Районну жер-жерли администрацияны башчысыны орунбасары Тареза Эфендиева бла Билим бериу  управлениясыны башчысыны къуллугъун толтургъан Жуболаны Марианна бла да быйыл кёп сабийли юйюрлеге къаллай болушлукъ этиллигини юсюнден оноулаша тургъанларына шагъат болдукъ.

Бюгюнлюкде Россей Федерацияда кесибизде терек бахчачылыкъны айнытыу, аны производство онгларын кючлендириу мадарла этиледиле. Къыралда шёндю жюзге жууукъ питомник ишлейди. Къабарты-Малкъарда уа жыл сайын ала 150 гектаргъа  кенгере  барадыла. Россельхознадзорну Шимал Кавказда бёлюмюню специалистлери аллай мюлкледе зыгытлагъа кёз-къулакъ боладыла,  алада ауруула болмазларына контроль этедиле.