Саулукъ

Бизни къыралда карантиннге тийишли битимлени санында амброзия энчи жерни алады. Аны хатасы болмаса, бир тюрлю хайыры жокъду. Ол адамлагъа бек къоркъуулуду, кесеклери болгъанлада ёпке ауруу къозгъаргъа, бирде уа ёлтюрюрге да боллукъду, деп билдиргендиле Россельхознадзорну Къабарты-Малкъарда эмда Шимал Осетия-Алания Республикада Управлениясыны надзор эмда битимлени карантини жаны бла бёлюмюнден.

Къабарты-Малкъарда арт беш жылда  бит басып  (педикулёздан)  ауругъанланы саны 1,5 кереге азайгъанды, деп билдириледи Роспотребнадзорну КъМР-де Управлениясыны сайтында

Къоншуларымдан бири кёп болмай: «Мени ол дуниядан къайтаргъан   врачны - Бапыналаны Маратны - юсюнден газетде жазсанг а. Ол болмаса,  мен бусагъатда  хазна сюеляллыкъ болмаз эдим былайда. Ёлмесем а,  бир санымдан къыяулу боллукъ эдим»,-дейди.  Андан сора ол больницагъа къалай бла тюшгенини юсюнден хапар айтады. 

Бусагъатда врачла жаланда дарманла бла чекленип къалмай, халкъ медицинаны амаллары бла да хайырланадыла. Къулакъ аурууда аланы бир къауумуну юсюнден Нальчик шахарны биринчи номерли поликлиникасыны врачы Зарина Хамикоева айтханды:

Геронтодиетология - ашны тюз хайырланыуну болушлугъу бла къартайыуну профилактикасы бла кюрешген илмуду. Ол азыкъны аяулу эмда тюрлю-тюрлюлери болурча, аз-аздан, тап файдаланыугъа тынгылы эс бурууну белгилейди. Адамны жыл саныны ёсе барыуу бла аш орун-чеги трактны амаллары азаяды, ичге баргъан ашны уллу ёлчеми, калориясыны кючлюлюгю адамны чархында тюрлю-тюрлю процесслени къыйыннга айландырады эмда бузады.

Эфендиланы Василийни къызы Лейля Санкт-Петербургда Киров атлы Аскер-медицина академияны Офтальмологиядан бёлюмюнде ординатураны ётеди. Кёз врачланы хазырлауда бу учреждение Россейде биринчи, битеу дунияда уа экинчи жерни алады. Ары дери жаш специалист Къабарты-Малкъар къырал университетни Медицина факультетин, аны ызындан а Ставрополь шахарда интернатураны жетишимли бошагъанды. Бюгюн ол бизни ушакъ нёгерибизди.

Къайсы ёмюрде да тиширыула бютюн ариу болургъа, кеслерин жасаргъа кюрешгендиле. Бу итиниулюклеринде уа алагъа визажистле болушадыла. Бизни республикада да ала аз тюйюлдюле, кёпле кеслерини «make up» студияларын ачадыла. Алай мен оюм этгенден, аланы араларында Эркенланы Зарина энчиди, аны къол ызы башхады.

Адам улу саулукълу жашауну юсюнден сагъышларын, оюмларын дуния жаратылгъанлы бери да этеди. Бюгюнлюкде медицина алгъа иги да атлагъанлыкъгъа, жамауатны бу жаны бла кёп зат сагъайтады, ол алыкъа тюрлю-тюрлю проблемаланы жесириди.  Бусагъатда саулугъубуз бла байламлы неге бютюн эс бурсакъ тюз боллугъуну юсюнден бизни бла къысха  ушагъында Республикалы клиника больницаны врачы-кардиологу Улбашланы Мариям билдиргенди.

Рахайланы Аслижан бизни республикада бек билимли гастроэнтерологладан бириди, Нальчик шахарны ючюнчю номерли поликлиникасында ишлейди. Биз  Аслижан Далиевнагъа тюбеп газет окъуучула жиберген бир талай соруугъа жууап беририн тилегенбиз. 

Дарманлыкълары болгъан битимлеге артыкъ эс бурмаучу медикле  окъуна сарымсахха энчи къарап башлагъандыла. Бюгюн аны хайырыны юсюнден Нальчик шахарны биринчи номерли поликлиникасыны врач–терапевти Гыжгыланы Разият бла ушакъ этебиз.