Календарь событий

   Быйыл къыш солуу кюнледе Россейни регионларында  жети миллиондан артыкъ турист кечиннгенди.

   Республиканы грек-рим тутушуудан биринчилигине 2002-2003 жыллада туугъан жашла къатышхандыла. Эришиу Чегем шахарда къуралгъанды, Элбрус районну спортчулары анда беш майдал къыхандыла.  
    55 килограмм ауурлукъда биринчи жерге Къудайланы Заур чыкъгъанды, Гюлюйланы Илияс а 65 килограмм ауурлукъда экинчи болгъанды. Доммакъ майдалланы Шауаланы Шамил (48кг.), Чеченланы Амаль (60кг.) бла Макытланы Алим (51кг.) къытхандыла. Аланы тренерле Локияланы Юрий, Балалны Алим, Хапаланы Аслан, Чеченланы Артур хазырлагъандыла.
Суратда: хорлагъан спортчуланы къаууму.

Эрттеден да Москвада жашап, ишлеп тургъан гитче эгешчигин кёре барады Буслиймат. Элинден Нальчикге окъуна бир-эки кере чыкъгъан тиширыу вокзалны уллулугъуна, адамланы кёплюклерине сейир этип къарайды. Метрогъа тюшгенинде уа абызырагъан окъуна этеди.

    Республиканы полициячылары тюрлю-тюрлю бузукълукъла ючюн федерал излеуде болгъан эки адамны бир кюнню ичинде ачыкълагъандыла.
Алай бла 14 январьда Черек районну право низамны сакълаучулары тинтиулени кезиуюнде бир ненча кере башы сюдлюк болгъан 27-жыллыкъ эр кишини тутхандыла. Ол уручулукъ этгенине ишекликде излене эди.
Терекчи полициячыла уа былтыр сентябрьден бери сюд приставла излеген 28-жыллыкъ тиширыуну къайда болгъанын тохташдыргъандыла.

   Сабийлени юйретиуде школгъа дери билим бериу учрежденияла къаллай магъананы тутханларыны юсюнден Элбрус районну Билим бериу управлениясыны баш специалисти Моллаланы Зарета бла ушакъ этгенбиз.

  Кёп болмай Нальчикни мэриясы шахарда  автобусла тохтаучу бир талай жерге ремонт этип тапландыргъанды.
       - Жангыртыу ишлени кезиуюнде саулай да он остановкагъа къаралгъанды. Ала ара шахарны Ленин, Калмыков, Суворов, Тарчоков, Осетинская, Профсоюзная эм башха орамлада орналадыла.

  Шаханланы Басият 1879 жылда 17 январьда Владикавказда туугъанды. 1896 жылда Александр патчах атлы кадет корпусну бошагъандан сора,  Басият артиллерия училищеде айырмалы окъуйду. Ол окъууда жетишимлери бла тенглерини арасында биринчи болгъаны себепли, анга къуллукъ этерге сюйген жерин сайларгъа эркинлик берилгенди. Ол Ата журтуна барыргъа ыразы эди,  Басиятны 1898 жылда Кавказгъа 21 артиллерия бригадагъа къуллукъ этерге иедиле.