Календарь событий

    Алгъаракъда  Къабарты-Малкъарны Къырал эм муниципал жумушланы тамамлагъан  кёп  функциялы арасыны таматасы Аслан Афаунов МФЦ-ны «Новая высота» деген конкурсну республикада кесегинде хорлагъан келечилери бла тюбешгенди.
   Ол эришиуню   финалына чыкъгъанланы санында Арада уруннганла бирсиледен эсе аслам болгъандыла. Ол шарт  мында уста ишчилени эм оноучу кадрланы  тынгылы хазырлагъанларын ачыкълайды. Алай бла, биринчи жерлеге  Зезаланы Рамазан, Хучиналаны Индира, Хаирланы Лейла, Мадина Карданова эм Инна Шопагова чыкъгъандыла.

   Бу кюнледе Тёбен Чегемде  черекдеги  кёпюрге тынгылы ремонт этиледи. Ол элни эки кесегин бирге къошады эмда  чаллыкълагъа бла жайлыкълагъа элтеди. Ол себепден аны магъанасы бек уллуду. Объектге тынгылы ремонт этилирине  КъМР-ни Къурулуш эмда жол мюлк министерствосу 2,45 миллион сом бёлгенди,  деп билдириледи Чегем районну администрациясыны пресс-службасындан. 
   Бусагъатда  подряд организацияны келечилери объектде темир конструкцияланы орнатыу бла кюрешедиле. Ишлени уа саулай бу айны ахырына бошаргъа айтадыла. 
 

   РФ-ни Пенсия фондуну республикада бёлюмюнден билдиргенлерине кёре, 2019 жылны биринчи январындан башлап пенсиячыгъа жашау этерге керекли ахчаны эм аз ёлчеми 8846 сом болады. 
   Ишлемеген пенсиячыны айгъа файдасын тергегенде бу тёлеуле эсге алынадыла:
   -  пенсиясы;
   - къошакъ этилген мюлк (социал) болушлукъ;
   - ай сайын берилиучю тёлеуле, ол санда социал жумушланы къаууму да;
   - законодательствогъа тийишлиликде этилген башха тюрлю болушлукъ (бир кереге берилип къалгъан ахча тёлеуле саналмайдыла). 

   Озгъан ыйыкъда (5-11 январьда)   жолда жюрюуню жорукъларына бузукълукъла этилгени бла байламлы 12,4 мингден аслам терслеу бегим жарашдырылгъанды.   Салыннган тазирни битеу ёлчеми 7,2 миллион сомдан аслам болгъанды. 
   Эсигизге салайыкъ, административ тазирни 60 кюнню ичинде тёлерге керекди.   Аны болжалы сакъланмаса, терслеу материалла  сюд приставлагъа  бериледиле. Законлагъа тийишлиликде,  ол заманда аны ёлчеми эки кереге кёбейтиледи неда бузукъчуну хакъсыз 50 сагъат ишлетирге деген оноу чыгъарылыргъа да боллукъду. 

  Битеулю амалла
   Къыш айлада хайырланыргъа деп жарашдырылгъан бахча кёгетлени бек игилеринден бири тузланнган хобуста болгъаны, адамны саулугъун кючлеуде ол кёп затха жарагъаны эрттеден белгилиди. Аны хазырлауда юй бийчеле энчи амалланы хайырланадыла. Болсада бу ишни тамамлауда  жорукъла да бардыла.  

   Бизни жашауубузда модалары кетген затла бюгюнлюкде экинчи солуу алгъанчадыла. Буруннгудан келген сейир таш бурууланы элементлерин бусагъатда омакъ юйлени  хуналарында эслейбиз,  жангы мекямлада эрттегили кешенелени минара халлы  башларына ушатыулагъа да шагъатбыз, юс кийимледе уа миллет тёреледе тигилгенлеге, аланы оюуларына къайтыу модельерлерибизни коллекцияларында дайым да жерлерин тапханлай турады. 

     КъМР-де МВД-ны миграцияны вопрослары жаны бла  управлениясыны ишини, ол санда озгъан жылда эсеплерини юсюнден аны таматасыны орунбасары полицияны подполковниги Мурат  Загаштоков бла ушакъ этебиз.
 

   Республиканы ара шахарыны жер-жерли администрациясындан былтыр сынам халда къуралгъан «Витрина малых закупок городского округа Нальчик» деген электрон тюкен къыйматлы ишлегенин билдиредиле. Бу проектни магъанасы –шахаргъа керекли аберилени сатып алыуну ачыкъ халда, кеси да бюджет ырысхыны аяп алай тамамларгъады. Аны хайыры бла ол ишге гитче эмда орта бизнес бла кюрешгенле да къатышаллыкъдыла. Анга деп ала товарларыны неда не тюрлю жумушла тамамларгъа боллукъларыны каталогун жарашдырыргъа, аланы да багъаларын туура этерге керекдиле.

 Тиширыу бла колония деген сёзле бир бирлерине келишмейдиле, болсада, законлукъну эм адамлыкъны жорукъларын бузуп, жууаплылыкъгъа тартылгъанла аз тюйюлдюле. Бизни республиканы  Прохладна районунда, Советское элде орналгъан колонияда 220 тиширыу  турады. Кертиди,  аланы саны бирси жылладан эсе иги кесекге азды. 

  Элбрус районну администрациясыны билим бериу управлениясы энчи къайгъырыу керекли болгъан эм къыйын жашау болумгъа тюшген сабийлеге къарагъан билим бериу учрежденияла бла бирге «Сабийле ючюн – бирге» деген акция бардырады. Аны чеклеринде Тырныауузда 1-чи номерли лицейни «Энчи балала» атлы арасында «Музей - хар кимге да» деген проект къуралгъанды, «Дунияны огъурлулукъ сакълар» деген чыгъармачылыкъ мастерской да ачылгъанды.

Айырмалылагъа - дипломла, ахча саугъала
КъМР-ни Парламенти республиканы законла чыгъарыучу баш органыны ишин асламлы информация органлада ачыкълагъан бек иги материалланы сайлау жаны бла конкурс бардырады. Ол Парламентни 25-жыллыгъын белгилеуню чеклеринде къуралгъанды эмда жамауатны бу органны борчлары бла шагъырейлендирир мурат  бла башланнганды.