Календарь событий

30 января 2019

Ахчаны борчха бошунлай кимге да берип къояргъа жарамайды

Бир тюрлю сылтау бла ёнкюч излерге, берирге да тюшеди. Алай аны артха алгъан а бир-бирде къыйын болуучуду, бютюнда сёз уллу ахчаны юсюнден бара эсе. Аны себепли юристле борч бергенде, ол шартны къагъытха тюшюрюрге керекди деп юйретедиле. Аны къаллай кезиуледе юридический кючю болгъаныны, къалай жазаргъа кереклисини юсюнден бизге юрист Азамат Тохов ангылатады.  
 

Ток ючюн тёлерге ашыкъмагъанланы къабакъ эшиклери къагъыллыкъды

Бу кюнледе «Каббалкэнергону» Май эмда Прохладна районлада бёлюмлеринде ишлегенле сюд приставланы келечилери бла бирге ток ючюн борчла этип тургъанланы жокълагъандыла.

Законланы бузуп байыкъланыргъа умут этгенди

КъМР-ни полициячылары атлары кенг айтылгъан фирмаланы белгилерин законлагъа бузукълукъла этип  хайырланнган энчи предпринимательге ачылгъан уголовный ишни тинтип бошагъандыла.   Фирмалагъа  404 минг сом къоранч  этилгенди, деп билдиргендиле бизге ведомствону пресс-службасындан. 

Эсепге тюшгенлени саны ёсгенди

   Арт ыйыкъда ишсиз къалып, Халкъны иш бла жалчытыу аралада эсепге тургъанланы саны 18 адамгъа ёсгенди. 18 январьда ол кёрюмдю 6735 эди, 25 январьда уа – 6762 адагъа жетгенди. 
 

Къышда Элбрусха биринчи болуп ёрлегенле

    Совет Союзну заманында, байрам кюннге жоралап, уллу ишле тамамлап болгъандыла. Озгъан ёмюрню отуз бешинчи жылында СССР-ни колхозларыны биринчи битеусоюз съездлери бола эди. Анга атап республиканы бек айырмалы, жигит къаячылары Элбрусну эки тёппесине, ызы бла уа Казбекге чыкъгъандыла.

Арбазларын тапландырыргъа сюйгенле - ашыгъыгъыз

   Нальчик шахарны жер-жерли администрациясындан билдиргенлерине кёре, быйылдан башлап 2024 жылгъа дери бардырыллыкъ «Шёндюгю шахар тийре» деген программаны юсю бла къыралны бюджетинден муниципалитетге аслам  ахча берилгенди. 

Агъач кишиле: кертимиди огъесе ётюрюкмюдю?

   Бир талай жыл мындан алгъа «Комсомольская правда» газетден журналистле Кавказ таулада агъач кишини  кёрген, билген болгъанын соруп, тинтип, тау элледе айланнганларыны юсюнден статьяла жазылып тургъандыла. Алагъа  Къабарты-Малкъардан журналистле да къошулгъан эдиле.

«Шапий апача, эки ишчим болса, бригада да керек тюйюлдю»

   Орта Азияда жашагъан ахыр эки-юч жылларыбыз бюгюнча эсимдеди.  Мен бла эгиз къарындашым Алий анда туугъанбыз. 1956 жылда уа бизге дагъыда эгешчик Фатимат къошулгъан эди. Анабызны,  къолунда да тёрт къагъанакъ сабийи бла, Къыргъызда Джалал-Абад областьны Ленин жол элине арбала бла келтирген эдиле.  Жашай келгенде, 1950 жылда атабыз да  къайтады. Эки жылдан а биз да тууабыз. 
 

Энтта да экзаменлени, тюрлениулени юслеринден да айтхандыла

   Кёп болмай Нальчикни  администрациясыны Билим бериу департаментинде ата-анала бла тюбешиу болгъанды. Сёз анда ЕГЭ-ни юсюнден баргъанды. Жыйылыугъа департаментни таматасы Эдуард Бароков,  КъМКъУ-ну вузгъа хазырлау эм усталыкъ сайларгъа себеплик этиу управлениясыны таматасы Аксана Карашева, гитче школ академияны таматасы Артур Насипов эмда Социал-гуманитар институтну башчысы Муслим Тамазов къатышхандыла.

Динни юсюнден хайырлы ушакъла

   КъМР-ни  Муслийманларыны дин управлениясыны келечиси Атмырзаланы Абдуллах битеулю низамлы колонияны жокълагъанды эмда УФСИН-ни  таматасыны дин жаны бла болушлукъчусу Айвар Болов бла бирге  колониячыла бла ушакъ бардыргъандыла, насийхат сёзле  айтхандыла, тутулуп тургъанланы сорууларына да жууапла бергендиле, деп билдиргендиле КъМР-де УФСИН-ни пресс-службасындан. 
 

Бахчада юйчюкге закон бла ие болурча

   - Адам жеринден тепдирилмеген мюлкюне толу  ие болурча,  анга эркин  оноу этерча, къолунда тийишли  документлери болургъа керекдиле, - дейди Росреестрни КъМР-де  Кадастр палатасыны документлени жарашдырыу эм учёт бардырыу бёлюмюню таматасыны къуллугъун толтургъан Элла Блиева. 
 

Регионну пабликлерине энчи эс бёлюнюрюкдю

    Къысха заманны ичинде Россейде тийишли органла «ВК», Viber, WhatsApp  сетьледе пабликлени бла чатланы эм бир къауум  телеграмм-каналланы таматаларыны тизмесин къурарыкъдыла. Аны юсюнден программист эм миллиардер Павел Дуровну «Цифровое сопротивление» деген къымылдауу билдиреди. 

Уллайгъанлагъа жюрек жылыудан юлюш эте

   КъМР-ни Пенсиячыларыны союзу эмда Тиширыуланы Нальчик шахар совети  жашаулары келген  адамлагъа  "Сизге жюрек жылыуубуздан юлюш этебиз" деген ат бла  къууанчлы ингир къурагъандыла. Алайды да, Долинскдеги "Джамиля" кафеге республиканы  кёп жылланы  тюрлю-тюрлю бёлюмлеринде бет жарыкълы уруннган къауум адам  чакъырылгъанды.

Алиментле тёлемегенледен бютюн къаты сураллыкъды

   РФ-ни Сюд приставларыны службасыны КъМР-де Управлениясы сабийлени  эркинликлерин  къоруулау жаны бла уллу иш бардырады, ёз балаларына    алиментле тёлемей къутулургъа умут этгенле бла кюрешге  уа  энчи эс бурады. 

Фашизмни ууатыргъа онг болгъанына ийнандыргъан къазауат эди ол

   Сталинград ючюн къазауат Уллу Ата журт урушну тарыхында бек къанлы, кюйсюз сермеге саналады. Шахарны эркин этиу операцияны биринчи бёлюмю   1942 жылда 17 июльдан 18 ноябрьге дери баргъанды. Алай ол толусунлай душмандан жаланда 1943 жылда 2 февральда тазаланнганды.