Курортланы арасында Элбрус биринчи

   Быйыл къыш солуу кюнледе Россейни регионларында  жети миллиондан артыкъ турист кечиннгенди.  Ол кёрюмдю былтыр бу замандан эсе он процентге асламды, - деп билдиредиле ТурСтатдан.
Агентство бу жол Россейни къайсы  регионунда, шахарында эмда  курортунда  эм кёп турист  солугъанларын билир ючюн   рейтинг  жарашдыргъанды.  Экспертле декабрьде бла январьда  Интернетде басмаланнган эсеплени эм регионлада  ич туризмни болумун да тинтгендиле. Алай бла тау лыжала курортланы арасында Элбрус биринчи жерни алгъанды. Белгилеп айтсакъ, жыл башланнганлы мында элли минг турист солугъанды.