Политика

КъМР-ни Башчысы Казбек Коков Нальчикни жолларында   бардырыла тургъан тёрт уллу  къурулуш объектге къарагъанды, ала шахарны транспорт жаны бла магъаналы ызларына саналадыла. «Къоркъуусузлу качестволу жолла» миллет проектни чеклеринде уллу комплексли ишле  Кабардинская орамда, Шогенцуков, Ленина, Кулиева атлы проспектледе брдырыллыкъдыла.

КъМР-ни Башчысы Казбек Коков РФ-ни Юстиция министерствосуну КъМР-де Управлениясыны таматасыны къуллугъун толтургъан Къужонланы Жантемир бла ишчи тюбешиу бардыргъанды.

Къабарты-Малкъарны Башчысы республиканы промышленность, энергетика эм сатыу-алыу министри Шамиль Ахубеков бла тюбешгенди.

 Тюбешиуню кезиуюнде промышленность комплексде болум сюзюлгенди,   мындан арысында аны айнытыу жолларына, инвестиция проектле жашауда къалай бардылгъанларына, федерал министерствола, сатыу-алыу ишлени жюрютген институтла эм Россей Федерацияны алчы къырал  компаниялары бла байламлыкъла къалай жюрютюлгенлерине къаралгъандыла, деп билдиргендиле КъМР-ни Башчысыны бла Правительствосуну пресс-службасындан.

КъМР-ни Парламентини спикерини орунбасары Мурат Кардановну башчылыгъында халкъны саулугъун сакълауну соруулары, коронавирус жугъуп, сау болгъанланы реабилациялары  жаны бла миллет проектлени жашауда бардыргъанда ведомствола аралы байламлыкъланы кючлеу жаны бла ишчи къауумуну жыйылыуун бардырылгъанды. 

Къабарты-Малкъар Республикада гитче эм орта предпринимательлик   иш бла кюрешгенлеге финанс болушлукъну КъМР-ни Гарантиялы фонду эм республиканы гитче эм орталыкъ предпринимательликни субъектлерине микрокредитле берген фонду этеди.

Казбек Коков  КъМР-ни Башчысында Бийик билим эм илму соруула жаны бла советни жыйылыуун видеоконференция халда бардыргъанды.

Белгили россейли къуллукъчу Юрий Коков Къабарты-Малкъар Республикагъа  2013-2018 жыллада оноу этип тургъанды. 2013 жылда алтынчы декабрьде  2013  жылда Юрий Александровични  Россей Федерацияны Президенти Владимир Путин Къабарты-Малкъар Республиканы Башчысыны къуллугъун болжаллы халда толтурууу бла байламлы указгъа къол салгъан эди. Ары дери регионну алгъыннгы таматасы Арсен Каноков кеси ыразылыгъы бла къуллукъдан кетерге сюйгенин билдиреди.   

КъМР-ни Башчысы Казбек Коков Регионнга оноу этген арагъа баргъанды, ол Къабарты-Малкъарда 2020 жылда ноябрьде ишлеп тебирегенди.

Социальный сетьледе адамала бла байламлыкъны жюрютюу эм аланы кёрюмдюлерин мониторинг этиу кесини къыйматлыгъын кёргюзтгенди.  Жаланда озгъан жылда окъуна адамладан келген 17 минг къагъытха къаралгъанды. Къабарты-Малкъар Республиканы Регионнга оноу этген арасы алгъан соруулагъа жууапланы хазырлау эм аланы иелерине тапдырыу бла къыралда алчыланы санына киреди.

Регионнга оноу этген араны ишине министерствола бла муниципал къуралыула къатышадыла.

Быйыл Къабарты-Малкъар Республика къуралгъанлы 100 жыл болгъаны бла байламлы «Россейни почтасы», «Марка» акционер общество эм КъМР-ни коллекционерлерини биригиулери бирлешип Минги тауну сураты болгъан маркалы конверт ни чыгъаргъандыла. Аны тиражы 100 мин экземплярды.

 «Марка» акционер обществону келечилери конвертни макетин жарашдыргъандыла, аны сыфатын бла тышын А. Хачеритлов  бла С. Капранов хазырлагъандыла.

КъМР-ни Башчысы Казбек Коков РФ-ни Правительствосунда Коронавирус инфекциягъа къажау кюреш жаны бла координация советни жыйылыууна  къатышханды. Видеоселектор халда бардырылгъан кенгешни РФ-ни Правительствосуну Председатели Михаил Мишустин ётдюргенди.