Республиканы 100-жыллыгъына - маркалы конверт

Быйыл Къабарты-Малкъар Республика къуралгъанлы 100 жыл болгъаны бла байламлы «Россейни почтасы», «Марка» акционер общество эм КъМР-ни коллекционерлерини биригиулери бирлешип Минги тауну сураты болгъан маркалы конверт ни чыгъаргъандыла. Аны тиражы 100 мин экземплярды.

 «Марка» акционер обществону келечилери конвертни макетин жарашдыргъандыла, аны сыфатын бла тышын А. Хачеритлов  бла С. Капранов хазырлагъандыла.

 «Республиканы юбилейине жораланып кёчюрюлюучю энчи штемпель да жарашдырылгъанды. Ол сентябрьде республиканы 100-жыллыгъын белгилегенде къууанч халда хайырланырча этилликди. Биз аллай байрам ишлеге къатышханыбызгъа ыразыбыз»,-дегенди «Россейни почтасы» акционер обществону КъМР-де управлениясыны таматасы Заур Вороков.

Сагъынылгъан конвертни Нальчикни почтасында алыргъа боллукъду,  артта ала республиканы почта бёлюмлерине да тюшерикдиле.

Бизни корр.

 

 

 

Поделиться: