Чегемни окъуучулары – эм кючлюле

Нальчикде мектеплени араларында «Чудо шашки» деген аты бла республикалы эришиу бардырылгъанды. Командалагъа 2009 жылда туугъан сабийле киргендиле, хар къауум эки жашчыкъдан бла бир къызчыкъдан къуралгъанды.

Эришиуге битеу да алты къауум къатышхандыла. Биринчи жерге Чегем элни командасы чыкъгъанды, Терк районну Плановое элини окъуучулары -  экинчиле, Жемталаны мектебини къаууму уа ючюнчю болгъандыла. Ала барысы да Къабарты-Малкъарны Спорт министерствосуну майдаллары эм грамоталары бла саугъаланнгандыла.