Тёлеуле инфляцияны ёлчеми тенгли кёбейтилгендиле

Бир-бир социал тёлеулеге бла аналыкъ капиталгъа индексация, Запад къыраллагъа нефть ючюн жууап – февральда кючюне къаллай федерал законла киргенлерини юсюнден бу къысха статьяда окъугъуз.

Аналыкъ капитал, социал тёлеуле

 Февральда аналыкъ капитал инфляцияны ёлчемине тенгли кёбейтилликди – 11,9 процентге. Алай бла  биринчи сабийге   586 946,72 сом, экинчиге (ары дери аналыкъ капитал алынмагъан эсе) 775 628,25 сом тёленирикди.   Болсада юйюр биринчи сабий ючюн алгъан эсе къырал себепликни, экинчиси туугъанда  188 681,53 сом берилликди.

Аны бла бирге 11,9 процентге башха социал тёлеуле да ёседиле: сабий туугъанда бир кере берилген ахча, сабийге къараргъа ай сайын тёлеуле, сакъатлагъа пособияла.

Нефть

Россейли нефтьни тыш къыраллы организациялагъа сатыугъа чекле салынадыла – ала бла этилген келишимледе аны эм уллу багъасына чекле салыу жаны бла низам жазылып эсе. Бу федерал закон Запад къыралла кийирген санкцияла бла байламлы хазырланнганды.

 Уучулукъ

Уучулукъ жаны бла федерал законнга кийирилген тюзетиулеге тийишлиликде, къырал  инспекторлагъа рейдле бардырыргъа, бу жаны бла законлагъа бузукълукъланы ачыкъларгъа, профилактика ишни бардырыргъа эркинликле берилгендиле. Дагъыда алагъа бузукъчуну тутхан кезиуде кючню, сауутну хайырланыргъа жарагъаны тохташдырылгъанды. Битеу бу жорукъла законсуз уучулукъгъа къажау ишни чеклеринде кийирилгендиле.

Жашау журтла

Регионлада власть органла аскерде къуллукъ этиуден эркин болгъаннга  берилирге тийишли, алай керек болмай къалгъан фатарны инсанланы башха къауумларына юлешаллыкъдыла. Ол санда фатарны къаугъаланы ветеранларына, сакъатлагъа, сакъат сабий ёсдюрген юйюрлеге бёлюрге жарарыкъды.

 Тикаланы Фатима хазырлагъанды.

Тёлеуле инфляцияны ёлчеми  тенгли кёбейтилгендиле

Бир-бир социал тёлеулеге бла аналыкъ капиталгъа индексация, Запад къыраллагъа нефть ючюн жууап – февральда кючюне къаллай федерал законла киргенлерини юсюнден бу къысха статьяда окъугъуз.

Аналыкъ капитал, социал тёлеуле

 Февральда аналыкъ капитал инфляцияны ёлчемине тенгли кёбейтилликди – 11,9 процентге. Алай бла  биринчи сабийге   586 946,72 сом, экинчиге (ары дери аналыкъ капитал алынмагъан эсе) 775 628,25 сом тёленирикди.   Болсада юйюр биринчи сабий ючюн алгъан эсе къырал себепликни, экинчиси туугъанда  188 681,53 сом берилликди.

Аны бла бирге 11,9 процентге башха социал тёлеуле да ёседиле: сабий туугъанда бир кере берилген ахча, сабийге къараргъа ай сайын тёлеуле, сакъатлагъа пособияла.

Нефть

Россейли нефтьни тыш къыраллы организациялагъа сатыугъа чекле салынадыла – ала бла этилген келишимледе аны эм уллу багъасына чекле салыу жаны бла низам жазылып эсе. Бу федерал закон Запад къыралла кийирген санкцияла бла байламлы хазырланнганды.

 Уучулукъ

Уучулукъ жаны бла федерал законнга кийирилген тюзетиулеге тийишлиликде, къырал  инспекторлагъа рейдле бардырыргъа, бу жаны бла законлагъа бузукълукъланы ачыкъларгъа, профилактика ишни бардырыргъа эркинликле берилгендиле. Дагъыда алагъа бузукъчуну тутхан кезиуде кючню, сауутну хайырланыргъа жарагъаны тохташдырылгъанды. Битеу бу жорукъла законсуз уучулукъгъа къажау ишни чеклеринде кийирилгендиле.

Жашау журтла

Регионлада власть органла аскерде къуллукъ этиуден эркин болгъаннга  берилирге тийишли, алай керек болмай къалгъан фатарны инсанланы башха къауумларына юлешаллыкъдыла. Ол санда фатарны къаугъаланы ветеранларына, сакъатлагъа, сакъат сабий ёсдюрген юйюрлеге бёлюрге жарарыкъды.