Сабийле юйлерине сау-саламат къайтырчаКъабарты-Малкъарны жарыкъландырыу, илму эмда жаш тёлюню ишлери бла министри Жолда жюрюуню къоркъуусузлугъун жалчытыуну алтынчы глобальный ыйыгъыны оюмларын къабыл кёргенди. Анзор Езаов водительлени сабийлени жолда къоркъуусузлукъларын сакълаугъа сакъ болургъа, адамла жашагъан эм жаяу жюрюген жерледе машиналаны бир сагъатха 30 километрден терк жюрютмезге кереклисин эсгертгенди. Министр чакъырыу плакатында: «Водительле! Жолда низамлы болугъуз! Эсде тутугъуз! Бизни сабийлерибиз юйге сау-саламат къайтыргъа керекдиле!» - деп жазгъанды. Ведомствону башчысы быллай башламчылыкъланы магъаналары бютюнда жайда бла каникулланы кезиулеринде уллу болгъанын чертгенди эм ата-аналаны сабийлени бла акъылбалыкъ болмагъанланы къоркъуусузлукъларын жалчытырча онгла къураргъа чакъыргъанды. Ахырында Анзор Езаов МВД-ны Нальчикде управлениясыны келечилери бла бирге #ДорогиДляЖизни деген жазыуу бла суратха тюшгендиле.
Поделиться:
Читать также:
02.05.2024 - 14:58 →
Кёкшуу ёсдюргенлеге къошула барады
02.05.2024 - 14:57 →
Нартюх салып кюрешедиле
02.05.2024 - 14:56 →
Терек бахчаланы санына къошулады
02.05.2024 - 13:00 →
Жумушланы электрон халда къалай тамамларгъа боллукъду
02.05.2024 - 11:41 →
Кеслери иш къурагъанлагъа онг бере
|