Макаронланы биширгенден сора сууну тёгерге нек жарамайды?

Макаронланы биширгенде аладан крахмал чыгъады, ол сууну акъсыл этеди. Аны бир оруннга къуюгъуз да, жаратхан соусларыгъызгъа къошуп, паста хазырлагъыз. Бу суу аны къалыныракъ этерикди, ашагъанда да татлыракъ боллукъду, деп юйретеди шеф-повар Сергей Ли-Шу-Хва.

Италиячы повар Валентино Бонтемпи уа ала алгъа чюгюндюрню неда шпинатны биширгенлерин, сора аланы сууларында уа пастаны этгенлерин айтады. Алай жарашдырылгъан паста кёп тюрсюнлю ариу болады.

Юй бийчеле уа макарон сууда этилген тылы неда биширилген кёгетле татлы болгъанларын билдиредиле. Быллай сууну юй битимлеге къуяргъа боллукъду. Ол аякъ-къашыкъны жаулу ашарыкъладан сора жууаргъа да иги жарайды. Сора аякъларыгъызны анда жибите турсагъыз да, хата кёрмезсиз.

Къайсы гаккыла эм игиледиле?

Эм игилеге диета гаккыла саналадыла, аланы 7 кюнню ичинде хайырланыргъа керекди. Столовый гаккыланы уа 25 кюнню да тутаргъа жарайды, деп билдиреди Росптицесоюзну баш эксперти Людмила Карпенко.

Ол ангылатханыча, гаккыланы 1, 2 эм 3-чю къауумлагъа качестволарына угъай, ауурлукъларына кёре юлешедиле. 3-чю къауумдагъы гаккыланы жаш тауукъла табадыла – ала гитчерекдиле, татымлыдыла. 1-чи къауумдагъы уллу гаккыланы уа абаданыракъ  тауукъла табадыла.

Мор тюрсюнлю гаккыланы юслеринден айтханда, алада йод акъладан эсе кёпдю. Къабукълары да къалыныракъды. Гаккыны тюрсюню тауукъланы породаларына кёре болады, качестволарында башхалыкъ жокъду.

9-чу классда географияны нек сайлайдыла?

9-чу класслада ЕГЭ-де сайланып берилген экзаменлени араларында экинчи жерни география алады. Биринчи жерде естествознание барады, аны берирге окъуучуланы 56 проценти сюйгендиле. «Экономиканы бийик школу» миллет излем цниверситетни билим бериуню айнытыуну институтуну башчысы Ирина Абанкинаны оюмуна кёре, аны сылтауу бу дерслени тынчлыкъларындады.

 Аладан дерсле ыйыкъгъа бир кере бардырыладыла, юйретилген материалны ёлчеми уллу тюйюлдю. География бла обществознанияда бирча темала аслам тюбейдиле, нек дегенде экинчисинде къыралланы юслеринден кёп айтылады. Сабийлени къаууму 9-чу классдан сора орта усталыкъ билим берген учреждениялагъа окъургъа киредиле, аны ючюн быллай сайлау алагъа экзаменлени тынчыракъ этеди. ЕГЭ-де уа кёпле физика бла информатиканы бередиле, ол алагъа артда профильли вузлагъа кирирге себеплик болады.