Билим

Нальчикни Дубки тийресинде 5-чи номерли  «Кюнчюк» сабий садны мекямы кёп жылладан бери да тарлыкъ этип тура эди. Эки жыл мындан алгъа уа анга къошакъ мекям ишленип башланнган эди да,  быйыл  толусунлай хайырланылыргъа берилгенди. Аны отоулары жарыкъдыла, жылыдыла. Юйню ичинде  уа къабыргъалада тюрлю-тюрлю жомакъланы жигитлерини суратлары кёзню къууандырадыла. Мен ары баргъан кюн бир къауум тиширыу клумбаланы тёгереклеринде ташларына тюрсюнлю бояула жагъа, эр кишиле уа тёммекчиклени кесип, аладан столчукъла,  шинтикчикле  жарашдыра тура эдиле.

Бюгюннгю законлагъа  тийишлиликде, окъуу учрежденияланы от тюшюуден къоркъуусузлукъларын жалчытыу толусунлай аланы таматаларыны боюнундады.

Устазлыкъ кёп башха усталыкъладан жууаплы да, къыйын да болгъанына угъай дерик чыкъмаз. Нек дегенде сабийни жашаугъа кёз къарамы да ма андан башланады, аны окъургьа кёллендирген да олду. Ол хунер а бек керекди. Дагъыда тёзюмлюлюгю, жюрек халаллыгъы болмагъан бир да сайламасын бу жумушну. Аны мен айтмайма, педагогланы кеслеринден зшитгенме.

Фахмулула бизни арабызда жашайдыла, алай – жашырынлыкъда. Бу сёзлени Ульмский университетни алими Альберт Циглер энчи тинтиуню бардыргъанды, алада 40 –дан артыкъ фахмулу сабийни ачыкълагъанды. Не ата-анала,неда устазла кеслерини къолларында аллай сабийле болгьанларын сезмей тургъандыла. Кертида, ол фахмулу сабийле школда орталыкъ неда андан осалыракъ окъуучулагъа саналып болгъандыла, биргелерине жашагъанла эм окъугъанла бла келишалмай, къыйын къылыкълы сабийлеге саналып тургъандыла.

Устаз сабийни биринчи харфланы таныргъа, жаза, окъуй билирге юйретгенгени бла бирге, аны билим алыргъа талпындырса,ол таза да иги устазды дерге боллукъду. Ма мени да болгъанды аллай устазым - Боллуланы Ахматны къызы Аминат.

Августда Россейни билим бериу министрини орунбасары Андрей Корнеев да къатышып Нальчик шахарда форум бардырылгъанды.

Былтыр КъМР-ни Башчысы окъуучуланы битеуроссей олимпиадаларыны (2020-2021 окъуу жыл) регион уруумунда хорлагъан сабийлени анга къатышыргъа хазырлагъан педагогланы республиканы оноучусуну премиясы бла саугъалауну юсюнден указ чыгъаргъаны белгилиди. Устазланы ол къауумуну тизмесинде бизни таулу жашларыбыз бла къызларыбыз болгъанлары уа, не жашырыу, къууандыргъаны бла къалмай, ёхтемлендирген да этеди. Не къалай, алай десек да, ёз миллетингден адамны аты аллай даражалы эришиуде айтылса, ол шарт кёлюбюзню кётюреди.

Улбашланы Джамиля, Холаланы Алийни къызы,  кёп жылланы ичинде кесини устазлыкъ фахмусун Хасанияны Фрийланы Рамазанны атын жюрютген 16-чы номерли школуна жюрюген сабийлеге береди. Тутхан ишин жюреги бла сюйгени аны бет жарыкълы  этеди, миллетине жараргъа, кёбюрек хайыр келтирирге  итиндиреди. Аны бир уллу ыспас алайым деп  угъай, келир  заманлада жашарыкъ тёлю билимли да, адепли да болуп ёсерине, кесини ана тили, ата-бабаларыны адет-тёрелери бла дайым ёхтемленип туруруна себеплик этер ючюн къолундан келгенни аямайды.

Кёп болмай КъМР-ни Башчысы Казбек Коков  къауум жаш алимге 2021 эмда 2022 жыллада КъМР-ни Башчысыны илму эмда инновацияла жаны бла саугъасын бериуню юсюнден Указгъа къол салгъанды. Анга кёре  КъМР-ни Башчысыны саугъасына была тийишли болгъандыла:

Зольск районну сабийлеге къошакъ билим берген арасыны краеведениядан, инжиле бла, тузлу тылы бла да абериле ишлеуден юйретген педагогу Узеланы Биясланны къызы Лейля быллай махкемелени арасында эрттеден да тёрели болгъан «Сердце отдаю детям!» деген Битеуроссей конкурсха анда ишлегенли бери да къатышханлай келеди.