Жамауат

«Жылны экспортёру»  Битеуроссей премияны эришиу  комиссиясы Шимал Кавказ федерал округда хорлагъанланы белгилегенди, деп билдиргендиле КъМР-ни Экономиканы айнытыу министерствосундан.

Къыш айлада хайырланыргъа деп жарашдырылгъан бахча кёгетлени бек игилеринден бири тузланнган хобуста болгъаны, адамны саулугъун кючлеуде ол кёп затха жарагъаны эрттеден белгилиди. Аны хазырлауда юй бийчеле энчи амалланы хайырланадыла.

Шёндюгю школну баш борчу бюгюнлюкде неди деген соруу бек магъаналыладан бириди. Анга жууап излей, биз къауум специалист бла ушакъла бардыргъанбыз.

Саулай къыралланы, энчи бир инсанны да жашауунда тарых къаллай магъананы тутады? Бу соруу сагъышландырмай къоймады, нек дегенде тюненени дерсин унутханны бир эсеп сакълайды – бирча халатланы къайтарып этиу. 

Артистлерибиз спектакльде бийик даражада ойнагъандыла. Ол баргъан кезиуде къараучула бир ненча кере баш жигитни – Чонайны (Жангоразланы Мажит), хар замандача, бирде кесин кюлкюлю эте, бирде уа телохранительлерине – Тохаланы Зулкъарнийге бла (дуниясын алышханды, жаннетли болсун) Мисирланы Жамалгъа, уруша (къатын излеп айланнганында -Танзилячыкъны орунуна, билмегенлей Къуртхажанны келтиргенлеринде), халин алай тап ачыкълагъанына къарсла бла тюбегендиле. Чонайны бла ол тилеген къызны (Созайланы Мариям) арасында «байламлыкъны» Къуртхажан (Мамайланы Фатима) жюрютеди. Аны ойнагъанына да къараучула, бир ненча кере къарс уруп, ыразылыкъларын билдиргендиле.

Стратегия башламчылыкъланы агентствосу эм «Б1» компанияланы къаууму россейлилени къыралны ичинде туризмни юсюнден оюмларын ачыкълар мурат бла «Россейни ичинде туризм 2023; жангы горизонтла» деген тинтиуню бардыргъандыла, деп билдиредиле республиканы Курортла эм туризм министерствосуну пресс-службасындан.

Быллай инсанлагъа налог эсепге турургъа онг берилип башланнганлы талай жыл озгъанды. Ала предприниматель болмай, организация неда предприятие къурамай ишлейдиле, налог тёлейдиле, къыралдан да болушлукъ кёредиле. Ол къаллай болгъаныны юсюнденди бу материал.

МЧС-ни бийик усталыкъ билим бериу учрежденияларында окъугъан беш офицер республикагъа службаны ётерге келгендиле, лейтенантлагъа министерствону регионда Баш управлениясыны таматасы Михаил Надёжин тюбегенди. 

Жаш тёлюбюз окъууда, ишде да бет жарыкълы бола, бизни кёллендиргенлей келеди. Бюгюнлюкде аланы танг кесеги къыралыбызны эм белгили вузларында билим алгъанлары да ахшы шартды. Аладан бириди Таппасханланы Фэриде да.

Республикада энчи къорууланыуда болгъан табийгъат жерледе - «Приэльбрусье» миллет парк эм «Къабарты-Малкъарны бийик-тау къырал табийгъат заповедниги» - туруу ючюн хакъ алынады.