Жамауат

Май айда Пятигорск шахарда турист слёт ётген эди. Анга Минги тауну этегинде жашагъан  гид Алена Гирина да къатышхан эди. Аны чеклеринде «Жаш экскурсовод» деген проектни юсюнден да сёз баргъанды. 

Жыл сайын да жашларыбыз бла къызларыбыз мектеплени жетишимли бошап, жюреклери излеген усталыкълагъа юйренир ючюн окъуугъа кирселе, аллай жаш тёлюбюзню барлыгъына барыбыз да къууанабыз. Быйыл Чегем районну Хушто-Сырт элини Гыжгыланы Зейтун атлы битеулю билим берген школун а тёртеулен тауусхандыла. Аланы араларында окъууда жетишимлери эмда ариу къылыгъы ючюн алтын майдалгъа уа Шахмырзаланы Арсен тийишли болгъанды.

Озгъан орта кюн эрттенликде сагъат жетиде Нальчикни темир жол вокзалына «Педагогика экспресс» деген ат бла энчи состав келгенди. Ол «Уллу перемена» эмда «Уллу» деген коммерциялы болмагъан организацияла бирге къурагъан жолоучулукъду. Ол Россейде Устазны бла насийхатчыны жылыны чеклеринде бардырылады. Къонакъла РФ-ни 55 регионундан 76 адам болуп келгендиле. Ала мында эки кюн тургъандыла эмда ишлегендиле, республиканы айбат, тарых магъаналы жерлерин кёргендиле.

Бахсан тарына, Минги тауну этегине баргъандыла, канат жол бла Гара-Башиге дери чыкъгъандыла.

Къабарты-Малкъарны Парламентини депутаты, Коммунист партияны жер-жерли бёлюмюню биринчи секретары Хасаитланы Лиза Локмановна социал жашаугъа тири къатышхан инсанды, бийик усталыгъы, билими, огъурлулугъу, тутхан ишине кертичилигин бла аны толтурууда итиниулюгю бла нёгерлерине юлгюдю. 

Битеу адамла да бир кибик кёрюнюп, биреу а башха нек кёрюнеди? Жаланда аны кёрюрге нек итинебиз? Психологияда бу сейир ишни къалай ангылатадыла? Аны юсюнден психолог Муртазланы Фаризат бла ушакъ этгенбиз.

Дуниясын алышындыргъынчы урушну, урунууну да ветераны, Кенжеде жашап тургъан Толгъурланы Бекмырза редакция бла кёп жылланы байламлыкъ жюрютгенди. Малкъар халкъны тырыхыны, адет- къылыкъларыны, аш хазнасыны эм башха темалагъа жораланнган материалланы келтирип тургъанды. Бюгюн Толгъур улуну чанкала деп кимлеге айтханларыны юсюнден билдириуюн берирге тийишли кёребиз.

Алгъын телеэкранлада баргъан «Московская сага» деген фильмни баш жигитлеринден бири, ол жылланы кийимлери бусагъатда тигилмегендиле, къартладан сатып алыннгандыла, керти да ол заманда болгъанларычадыла, ала уа сыфатны тюз къурауда уллу магъананы тутхандыла, дегенди.

Бу кюнледе Махачкъалада  болгъан къыйынлыкъ битеу Россейни титиретгенди. КъМКъУ-ну аллында 14 августда анда ёлгенлени эсгере, жау чыракъла жандырылгъандыла. Митингге министерстволадан эм ведомстволадан къуллукъчула эм студентле къатышхандыла. «Нафта» бензоколонкагъа аны къатында автосервисден от тюшюп, отуз беш адам ёлгенди, жюзден артыгъ а жаралы болгъандыла, бусагъатда аланы жашауларын врачла сакъларгъа кюрешедиле.

Хар миллетни да атын белги этген аны адамларыдыла. Ала уа, тёреде болуучусуча, элледе жашагъандыла.  Узакъ тау эллерибизден  малкъар халкъны атын иги бла айтдыргъанла да кёп чыкъгъандыла. 

Анамы эгечи  Биттирланы  Адилни къызы Кючмезланы Залийхатха, аны атына  дагъыда Зоя дейдиле, 95 жыл болуп келеди.  Аны   жокълап, юйюне терк-терк барыучубуз. Ол а бизге эртте заманлада болгъан затланы юсюнден сейирлик хапарла айтыучуду.  Бу жол баргъаныбызда уа, малкъар халкъны туугъан жеринден зор бла кёчюрген кюнню эсгергенди.  Мен аны  видеокамерагъа жаздыргъанма. Онюч жылына  энди кирген эди. Ол заманда кёрген, сынагъан хар затны да бюгюнча эсинде тутады.