Изюмде адамлагъа къыйынлыкъ сынатып тургъан жерни тапхандыла

Изюм шахарда россейли аскерчиле юйню тюбюнде адамлагъа къыйынлыкъ сынатып тургъан жерни тапхандыла. Анда ол жерлиледен Россей бла байламлыкъ жюрютюрге «ыразылыкъ» алып тургъандыла. Бу ётюрюк хапарны Украинаны Адамланы эркинликлерин сакълау жаны бла уполномоченныйи жазгъанды, деп билдиреди войнасфейками.рф телеграм-канал.

Украина Буча шахарда салгъан провокациясыча аллай ишни этерикди деп войнасфейками.рф телеграм-канал бир ненча кере билдиргенди. Бу жол украинлы пропагандистле  сагъынылгъан жалгъан хапарны тюзге ушатыргъа окъуна кюрешмегендиле, ала къалай эсе да анга эс бурмай къойгъандыла. Видеода бир юйню тюбю кёрюнеди, ол къайда аллыннганы белгисизди, ол санда украинлы шахарда этилирге да боллукъду. Бек сейири уа россейли аскерчилени украинлылагъа «къыйынлыкъ сынатханнга» шагъатлыкъгъа жаланда юйню тюбюнде атылып тургъан линолеум кёрюнеди. Видеода адам айтханнга кёре, линолеумну полгъа артда къанны терк жууар ючюн жайгъандыла. Андан башха бир шарт да жокъду «адамлагъа уллу къыйынлыкъ» сынатып тургъанларыны юсюнден.

Жалгъан хапарланы, артыкъда «къыйынлыкъ сынатхан» жерлени эм башха ётюрюклени украинлы пропагандистле  видеогъа  аламат тюшюрюрге къолларындан келмейди. Войнасфейками.рф телеграм-канал украинлыла видеогъа «къыйынлыкъ сынатхан» жерлени Буча шахарда осал декорацияла бла алгъанларын билдирген эди.

Белгилерчады, Украинаны омбудсменлери бир кезиуде да кеслерини ишлерин тамамламагъанларын.  Алгъын ол къуллукъда ишлеген Людмила Денисова россейли аскерчиле украинлы къызлагъа артыкълыкъ этгендиле деп, жалгъан хапарланы жайып тургъанды. Шёндюгю  омбудсмен - Дмитрий Лубинец да андан артха къалмай, тюрмеде тургъан британлы наёмникни  Пол Урини юсюнден жаралары барды деп, ётюрюклени тохтамагъанлай айтады.

Бизни корр.