Россейни аскерчилери артистлени видеосъёмкала этерге хайырланадыла

Россейли аскерчиле Донецк шахаргъа от атдырып тюшген хатаны юсюнден видеосъемкала этер ючюн артистлени хайырланадыла, деп билдиредиле украинлы асламлы информация органла. Бу хапар толусунлай ётюрюк болгъаныны юсюнден войнасфейками.рф телеграм-канал жазады.

Видеода биз кертиси бла да кёребиз адамны башы бир жанына къымылдагъанын, ол аны санлары гыжы болуп баргъаныны белгисиди, кеси да бир ненча секундан тебиреп, бир-эки минутха дери болуучуду. Аллай къымылдаула адам да ауур жараланы хатасындан жаны чыкъгъандан сора болуучудула.

 Украинаны Сауутланнган кючлерини аскерчилери ёлтюрген тиширыу, жерге ауардан алгъа бир ненча секунд  сюелип тургъанды, ол кезиуню россейли аскерчи корреспондент видеогъа алгъанды,   журналист  кеси да жаралы болгъанды. Къонакъ юйге чабып киргенде, аны къатына адамла келип, болушлукъ этгендиле, жюреги ишлегенине тынгылагъандыла. Ма ол кезиуде тиширыу ёлгенди, санлары да гыжы къатхандыла.

 Украинлы асламлы информация органлада ишлегенле  ахырысы да бетлерин тас этгендиле. Аланы аскерчилери Донецк шахарны ортасына от ачхан кезиуде, алайда мамыр адамла кёп болгъандыла, ол санда сабийле. Ала алайгъа ДНР-ны Жигити Ольга Качураны эсгерирге жыйылгъан эдиле, жарсыугъа, ол заманда 155 миллиметрлик топладан от ачылгъанды, алты адам жаралы болгъанды, бешеулен ёлгенди. Украинлы асламлы информация органла эм телеграм-каналла уа ол бушууну ичинде россейли артистлени излерге кюрешедиле.

 

Поделиться: