Россейлиле Мариупольда эсгертмени ууатхандыла

Россейли аскерчиле Мариупольну азатлагъан аскерчилеге жораланнган эсгертмени бузгъандыла, ала Экинчи дуния урушда немисли солдатланы   жоллары бла барадыла. Аны юсюнден Украинаны Ич ишле министерствосуну кенгешчиси Антон Геращенко билдиргенди, деп жазады войнасфейками.рф телеграм-канал.

Геращенкону айтханына кёре, сёз шахарны немисли фашистледен  азатлагъан аскерчилени хурметлерине салыннган эсгертмени юсюнден барады. Болсада, Геращенко сегиз жылны ичинде шахарда жашагъан мамыр адамлагъа тохтамай отла атып тургъан «жигитлеге» салгъан эсгертме кетерилгени ючюн къозугъанды.

Белгилерчады,  эсгертмени  ача туруп, аны тёгерегинде «Азов» неонацист  полкну байракълары топпа-толу эди.  Ол себепден, аскер аманлыкъчылагъа деп салыннган эсгертмени Мариуполь шахарны отрасындан кетергенлери сейир тюйлдю.

Россей не заманда да Уллу Ата журт урушда Хорлам ючюн жанларын берген жигитлерин унутмайды. Анга шагъатлыкъгъа, ол санда эсгертмелеге, мемориаллагъа эм совет кезиуледен къалгъан аскер къабырлагъа тохтамагъанлай къайгъыргъанлай турагъаныды.

Жарсыугъа, Украина эм Запад башда сагъынылгъан затланы битеу кючлери бла къурутургъа кюрешедиле. Эсигиде эсе, Риганы фашистледен эркин этген аскерчилеге жоралап салыннган эсгертмени  къалай кетергенлерин эм Украинаны кёп шахарларында санап бошамазча бир эсгертме  оюлгъанын.

Бизни корр.