Алимлени кезиулю жангычылыкълары

Къабарты-Малкъар къырал университетни алимлери къыйын конструкциялада хайырланнган бетон къурагъандыла. Аны юсюнден «Polymer Science, Series D» журналда басмаланнганды. 

Бюгюнлюкде кёпюрле, кёп  фатарлы юйле, тоннельле ишлеуде кючлю  бетон хайырланылады. Болсада пластификатор къошулмаса, бетонда хауа  жыйылыргъа эмда ол жарылыргъа  болады. Университетни специалистлери аллай чурумла чыкъмазча бетон жарашдыргъандыла. Ол кесини айырмалылыгъын кёргюзталгъанды. Бусагъатда анга пластификатордан он процент къошулады. Аллай амал бетон бек суулу болмазына эм къыйын жерледе хайырланырча  болуруна себеплик этеди. 

– Ол экология эм экономика жаны бла да файдалыды. Болсада аны хайырланыр ючюн проектде излемле  келиширге керекдиле, –  дейди КъМКъУ-ну химия бла бийик молекуляр байламлыкъланы кафедрасыны таматасы Малкъондуланы Юсуф. 
Университетни алимлери, бу жетишимлери бла чекленип къалмай, жангы  тинтиуле бардырыргъа, ол  санда  бетонну къурулушда сынаргъа таукелдиле.   

Тинтиуле РФ-ни Билим бериу эм илму министерствосуну бла Мурдорлукъ  тинтиуле бардыргъан фондну болушлукълары  бла бардырылгъандыла.