Ток ючюн тёлемегенледен къаты суралады

Кёп болмай «Россети Северный Кавказ» – «Каббалкэнерго» биригиуню специалистлери рейдни кезиуюнде эсеплеген приборсуз эм тийишли келишим этилмей   электрокючню хайырланнганаларына 225 шартны ачыкълагъандыла.

Тинтиуле бардырылгъанларындан сора бузукъчуланы хатасындан 18 миллион кВт сагъат ток урланнганы тинтилгенди. Ахча бла алап айтханда, аны ёлчеми 125 миллион сомгъа жетеди.

Абонентле эсеплеген приборсуз 112 миллион сом багъасына 15,5 миллион кВт сагъатны урлагъандыла. Андан сора да, бир тюрлю келишимсиз 13,5 миллион сом багъасына 2,3 миллион кВт сагъатны хайырланнгандыла. Аны бла байламлы актла ич ишлени келечилерине берилгендиле.

Энергокючню урлагъан уллу хатагъа келтирирге боллукъду. Кеслери алларына, къалай болса да тартылгъан ток чыбыкъла ёртеннге келтирирге, адамны саулугъуна хата салыргъа эм къыйыры къоншулагъа окъуна жетерге боллукъду.

Алай бла токну урлагъанла Административ бузукълукъланы кодексини 7.19-чу статьясына тийишлиликде (Сетьлеге эркинликсиз къошулгъанларына эм токну эсеплеген приборсуз хайырланнганларына) тазир тёлерикдиле. Аны ёлчеми энчи иелилеге – 10-15 минг эм организациялагъа уа 100-200 минг сомгъа жетеди. Андан сора да, бир-бир аманлыкъчыла РФ-ны Уголовный кодексини 165-чи статьясына кёре эки жылгъа тутулургъа да боллукъдула. Экинчи кере эркинликсиз ток ызгъа къошулгъан энчи иеге 15-30 минг сом тазир тёлерге тюшерикди. Аллай бузукълукъ этген организациягъа уа аны ёлчеми 300-400 минг сомгъа жетеди. Андан сора да, бир-бир аманлыкъчыла РФ-ны Уголовный кодексини 165-чи статьясына кёре, эки жылгъа тутулургъа да боллукъдула.

Эсге сала айтсакъ, уллу кёллю абонентле борчларын жапхандан сора да, ишлерине сюдле къарагъанлары ючюн ахча къоратыргъа тюшерикдиле.