Политика

Къабарты-Малкъар Республиканы Башчысы Казбек Коков Россей ФСБ-ны КъМР-де Управлениясыны энчи составыны республикалы къоркъуусузлукъ органларыны къуралыуларыны 100-жыллыкъларына жораланнган къууанчлы жыйылыуларына къатышханды. Ол датагъа аталып управленияны тийресинде алгъаракълада стела салыннганды.

Тюнене республиканы терк медицина болушлукъ берген службасына 17 машина келтирилгенди. Нальчикде Келишиулюкню майданында аланы районланы ара больницаларыны келечилерине бериу бла байламлы къууанчлы жумуш болгъанды. Анга Къабарты-Малкъарны Башчысы Казбек Коков да къатышханды.  

Къабарты-Малкъарны Башчысы Казбек Коков Регионланы айнытыу жаны бла правительстволу комиссияны  штабыны кенгешине къатышханды. Анга председательликни Марат Хуснуллин этгенди.

КъМР-ни Башчысы Казбек Коков къоркъуусузлукъну жалчытыу жаны бла координация жыйылыуну эм Къабарты-Малкъар Республикада Экономика эм жамауат къоркъуусузлукъну жалчытыу жаны бла Советни бирге ётдюрюлюучю кенгешни  бардыргъанды.

КъМР-ни Башчысы Казбек Коков «муниципал сагъатны» бардыргъанды, анга КъМР-ни Правительствосуну Председатели Мусукланы Алий, КъМР-ни Башчысыны Администрациясыны таматасы   Мухамед Кодзоков, КъМР-ни жарыкъландырыу, илму эм жаш тёлюню ишлери жаны бла министри  Анзор Езаов,  КъМР-ни айырыу комиссиясыны председатели   Вячеслав Гешев эм муниципал къуралыуланы администрацияларыны башчылары къатышхандыла.

Къабарты-Малкъарны Башчысы Казбек Коков Инстаграмда кесини энчи бетинде Къарачай-Черкесни Башчысын Республиканы кюню бла алгъышлагъанды.

«Къарачай-Черкесни Башчысын Темрезланы Рашидни эм битеу республикада жашагъанланы Республиканы эм Черкесск шахарны кюнлери бла къызыу алгъышлайма.

Къарачай-Черкес бюгюнлюкде иги айныгъан регионлагъа саналады. Артыкъда бек аны болдургъан жетишимлери къууандырады, ол аламат жерде бирликни, ангылашыныулукъну эм къуралыулукъну кёребиз.

КъМР-ни Башчысы Казбек Коков бир къауум школланы директорлары бла тюбешиу бардыргъанды, деп билдиргендиле регионну оноучусуну пресс-службасындан.

Бу кюнледе КъМР-ни Парламентинде республиканы Къыраллыгъыны кюнюне жораланып саугъалау болгъанды. Бет жарыкълы ишлегенлени бир къауум адам законла чыгъарыучу органны Сыйлы грамотасына тийишли кёрюлгендиле. Аланы араларында уа Газаланы Байдуллахны жашы Масхут да болгъанды.

Кёп болмай, Къабарты-Малкъарны Къыраллыгъыны эм Билим бериуню кюнлерине жораланып, Чегем районда 500 окъуучугъа мектеп бла 140 сабийге садик ачылгъандыла. Социал магъаналы объектле «Билим бериу» эм «Демография» миллет проектлеге кёре ишленнгендиле.

Къууанчлы жыйылыугъа КъМР-ни Правительствосуну, Парламентини, РФ-ни Къырал думасыны депутатлары, ич ишлени келечилери эм башхала къатышхандыла.

Билимни кюнюнде Ново-Ивановское элде Шура Козуб атлы 7-чи номерли лицейни 440 жери болгъан жангы мекямыны ачылыуу болгъанды. Ол РФ-ни «Шимал-Кавказ федерал округну айнытыу» программасыны бардырылыууну чегинде ишленнгенди.