Казбек Коков Къарачай-Черкесни Башчысын Республиканы кюню бла алгъышлагъандыКъабарты-Малкъарны Башчысы Казбек Коков Инстаграмда кесини энчи бетинде Къарачай-Черкесни Башчысын Республиканы кюню бла алгъышлагъанды. «Къарачай-Черкесни Башчысын Темрезланы Рашидни эм битеу республикада жашагъанланы Республиканы эм Черкесск шахарны кюнлери бла къызыу алгъышлайма. Къарачай-Черкес бюгюнлюкде иги айныгъан регионлагъа саналады. Артыкъда бек аны болдургъан жетишимлери къууандырады, ол аламат жерде бирликни, ангылашыныулукъну эм къуралыулукъну кёребиз. Къабарты-Малкъарны бла Къарачай-Черкес Республиканы араларында эрттеден бери да къарындашлыкъ халла жюрюйдюле. Мындан арысында да хар бёлюмде байламлыкъла, эки халкъны арасында хоншулукъну бла шуёхлукъну тёрелери кюнден-кюннге кючлене барлыкъларына бек ышанама. Жюрегимми теренинден къарындаш Къарачай-Черкесде жашагъанлагъа кючлю саулукъ, мамырлыкъ эм монглукъ тежейме», - деп айтылады Башчыны алгъышлау сёзюнде.
Поделиться:
Читать также:
02.05.2024 - 09:15 →
Спортну байрамы андан ары бардырыллыкъды
29.04.2024 - 15:08 →
Информационное сообщение
26.04.2024 - 17:52 →
Нальчикде жууукъ заманда биринчи ИТ-парк къураллыкъды
24.04.2024 - 17:32 →
КъМР-ни Башчысы Казбек Коков Нальчикде ишлене тургъан поликлиниканы жокълагъанды
22.04.2024 - 08:30 →
«Депутатха туугъан журту ючюн къайгъыргъан адамла келедиле»
|