Экономика

Быйыл Къабарты-Малкъарда онбир айгъа промышленный  производствону индекси  110,4 процентге жетгенди, деп билдириледи Севкавстатны пресс-службасындан. 

Жангы завод лак-бояу продукциядан бир жылгъа  10 минг тонна чыгъарлыкъды. Инвестициялы проектни «НЭЖАН» биригиу Кетуко Мухаррэмни башчылыгъында бардырады. 

Алгъаракълада РФ-ни  Эл мюлк министерствосу бардырырп  терек бахчаланы бла  питомниклени   айнытыу бла байламлы кенгеш къуралгъанды. Анга регионлада ведомстволаны келечилери, ол санда КъМР-ни Эл мюлк  министри Хасан Сижажев да къатышханды.

Кюзде жемишле бла наныкъла бишип бошайдыла, терекле эмда наныкъ зыгытла уа башха жерге кёчюрюрге жарарча боладыла. Россельхознадзорну КъМР-де бёлюмюню специалистлери айтханларыча, иссилик, къургъакълыкъ болмагъаны себепли бу кезиуде орнатылгъан терекчикле игирек аякъланадыла. Дагъыда бир игиси – кюзде сатылгъан терекчиклени эмда зыгытланы багъасы учузуракъ келеди. Питомникле жаз башына дери кечиндирселе уа, кеслерини къошакъ къоранчларын аланы багъасына къошаргъа боллукъдула.

Быйыл биринчи ноябрьге  Россельхозбанкны Къабарты-Малкъарда бёлюмю аграрчылагъа льгота халда   412 миллион сом ёнкюч бергенди. 2020 жылда къыйматлы кредитни  агропромышленный  комплексде уруннган  19 гитче эм орталыкъ предприниматель хайырланнганды

Бахсан районну Эл мюлк эм сатыу-алыу управлениясындан билдиргенлерича, быйыл  биринчи октябрьни эсеплерине кёре, мюлклени барысында да   39505 чакълы тууар барды, ол санда  16770 ийнек. Былтыр бу заман бла тенглешдиргенде, ол  672 башха асламды.   

Быйыл электрокючню хайырланнган абонентле «Россети Северный Кавказ» компанияны бёлюмюне  «Каббалкэнерго» биригиуге    3,2 миллиард сом тёлегендиле. Ол  жыйылгъан  борчну 87 процентиди. 

Бизни къыралда банклада вкладланы процент ставкалары аздан-аз бола барадыла. Бюгюнлюкде аланы орта ёлчеми 4,5 процентге дери тюшгенди. Келир жылдан башлаб а бир миллион сомдан артыкъ болгъан вклад келтирген файда ючюн налог окъуна тёлерге керек боллукъду. Быллай болумда ахча иги файда келтирирча аны къайры кёчюрюрге тийишлиди деп сагъышланаса. Эсинге уа биринчиден облигацияла келедиле. Ол амалны тинтиу бла «Комсомольская правда» газетни корреспонденти Евгений Беляков кюрешгенди.

Къабарты-Малкъарда «Эл жерлени комплекс халда айнытыу» къырал программагъа кёре,  2021-2022 жыллада юч  проект бардырыллыкъды, деп билдириледи КъМР-ни Эл мюлк министерствосуну пресс-службасындан.  

КъМР-ни Къурулуш, архитектура эмда жашау журт –коммунал мюлк министерствосундан билдиргенлерича, быйыл 528 минг квадрат метр жашау журт ишленирикди.  Ол санда «Мэй» эм «Нарт» микрорайонлада 150 минг квадрат метр.