Жыйылгъан борч толусунлай тёленмегенди

Быйыл электрокючню хайырланнган абонентле «Россети Северный Кавказ» компанияны бёлюмюне  «Каббалкэнерго» биригиуге    3,2 миллиард сом тёлегендиле. Ол  жыйылгъан  борчну 87 процентиди. 

Къабарты-Малкъарда  ток бла жалчытхан   компанияны онеки бёлюмден борчланы жыйыу бла   Май, Прохладна,  Зольск районла 97 процентге эм Черек бла Терек районла да 93 процентге жетгенди.   Алай бла  мында ток ючюн къырал, республика эм жер-жерли бюджетледен тёленнген организацияла былтыр бу заман тенглешдиргенде,  борчларын 105, 101 эм 95 процентге жапхандыла.   Промышленный эм башха предприятияла  99 -  100,4 процентге.  

Болсада, хар замандача, жашау журт-коммунал мюлк бёлюм бла байламлы организациялада  уа  тёлеуле жаны бла болумлары осалды. Бу жол да  ол   28 процентге  жетип,  былтырдан эсе  16 процентге азайгъанды. Анга кёре  тогъуз айгъа   борчлары 376 миллион сомдан атлагъанды.  

Хайырланылгъан ток ючюн ахчаны жетдирмей бергенлерини  электрокюч организацияны ишине уллу чырмау салады, ол санда энергообъектлеге эркин  ремонт этерча болмайды. Тийишли  жумушланы  тамамларча, ол санда  къыш сууукълагъа хазырланырча,  къошакъ ахча излерге тюшеди.  

Магометланы Сулейман.
Поделиться: